بەلگيانىڭ اتوم ەلەكتر ستانسياسىن ارنايى جاساق كۇزەتەتىن بولادى

استانا. قازاقپارات - بەلگيانىڭ اتوم ەلەكتر ستانسياسىن ارنايى انتي تەرروريستىك جاساق كۇزەتەتىن بولادى. وسىعان وراي كورولدىكتىڭ اسكەري قىزمەتكەرلەرى ستراتەگيالىق نىساندا وقۋ- جاتتىعۋ شاراسىن وتكىزدى.

توتەنشە جاعدايلار مەن تەراكتىگە دايىن بولۋ ماقساتىندا جاڭا جىلدان باستاپ بريۋسسەل اۋەجايىنىڭ كۇزەتى كۇشەيتىلەدى. اۋەجايدا ارنايى دايارلىقتان وتكەن 200 ءتارتىپ ساقشىسى قىزمەت ەتەدى. 22 - ناۋرىزداعى تەررورلىق ارەكەتتەن كەيىن ا ە س- ءتى 140 اسكەري باقىلاپ ءجۇر. جاڭادان قۇرىلعان شۇعىل ارەكەت ەتۋ توپتارى وق وتپەيتىن كيىممەن جانە جارتىلاي اۆتوماتتاندىرىلعان قارۋمەن جاساقتالعان.

يان يامبون، بەلگيانىڭ ىشكى ىستەر ءمينيسترى:

 - اتالعان كورپۋس يادرولىق نىسانداردى، وندا ەڭبەك ەتەتىن ادامداردى، راديواكتيۆتى ماتەريالدار مەن وسى نىساندارعا بايلانىستى ماڭىزدى اقپارات جازىلعان قۇجاتتاردى قورعاۋ ءۇشىن قۇرىلىپ جاتىر.

www.24.kz