سولتۇستىك كورەيا يادرولىق سىناق جاساعانىن راستادى

استانا. قازاقپارات - سولتۇستىك كورەيا ءوز تاريحىندا ەڭ جويقىن بەسىنشى يادرولىق سىناق وتكىزدى. مۇنى رەسمي پحەنيان راستادى. مەملەكەتتىك تەلەارنانىڭ حابارلاۋىنشا، سىناق ەلدىڭ سولتۇستىگىندەگى پوليگوندا جۇزەگە استى.

 ال بۇل تۋرالى العاش وڭتۇستىك كورەيا ساراپشىلارى مالىمدەگەن ەدى.

 ەستەرىڭىزگە سالا كەتەيىك، كەشە تۇندە سولتۇستىك كورەيادا يادرولىق سىناق جاسايتىن اۋماقتا جەر سىلكىنىپ، ونىڭ ماگنيتۋداسى 5,3 بالدى قۇرادى. ال تەرەڭدىك كورسەتكىشى نولگە تەڭ بولعان. سوندىقتان حالىقارالىق ساراپشىلار بىردەن بۇل ءزىلزالا ەمەس، جەر قىرتىسىنىڭ ۇستىڭگى بولىگىندەگى جارىلىس دەپ توپشىلادى.

قازىر سولتۇستىك كورەياداعى جاعدايدى توكيو، ۆاشينگتون مەن بەيجىڭ ءجىتى باقىلاپ وتىر.

ەسيحيدە سۋگا، جاپونيا ۇكىمەتىنىڭ باس حاتشىسى:

 - جيناقتالعان مالىمەتتەردى سارالاي كەلە، سولتۇستىك كورەيانىڭ يادرولىق سىناق جاساعانى ناقتىلاندى. ءبىزدىڭ ۇكىمەت بۇعان جول بەرۋگە بولمايتىنىن ايتىپ، سولتۇستىك كورەياعا قارسى ءۇزىلدى- كەسىلدى نارازىلىق بىلدىرەدى.

www.24.kz