پرەزيدەنت ق ر تاۋەلسىزدىگى كۇنىنە ارنالعان شارالاردى وتكىزۋدە قاۋىپسىزدىكتى قامتاماسىز ەتۋدى تاپسىردى

استانا. قازاقپارات - اقوردادا مەملەكەت باسشىسى نۇرسۇلتان نازاربايەۆتىڭ توراعالىعىمەن قاۋىپسىزدىك كەڭەسىنىڭ وتىرىسى بولدى.

استانا مەن الماتى قالالارىنىڭ جانە وبلىس اكىمدەرىنىڭ قاتىسۋىمەن وتكەن وتىرىس بارىسىندا ۇلتتىق قاۋىپسىزدىكتى جانە قوعامدىق- ساياسي تۇراقتىلىقتى قامتاماسىز ەتۋدىڭ وزەكتى ماسەلەلەرى تالقىلاندى.

قازاقستان پرەزيدەنتى قاتىسۋشىلارعا ارناعان سوزىندە بيىل ەلىمىز ءبىرقاتار تاريحي ماڭىزدى وقيعانى مەرەكەلەيتىنىن ايتتى.

- بيىل ءبىز قازاقستان تاۋەلسىزدىگىنىڭ 25 جىلدىعىن اتاپ وتەمىز. بۇل وقيعا اياسىنداعى بارلىق مەرەكەلىك ءىس- شارالار ءتيىستى قوعامدىق- ساياسي ءتارتىپتى قامتاماسىز ەتە وتىرىپ، جوعارى دەڭگەيدە وتكىزىلۋى كەرەك. بۇل اسىرەسە ءبىزدىڭ سىرتقى جانە ىشكى قاۋىپسىزدىگىمىزگە اسەر ەتەتىن الەمدەگى سىن- قاتەرلەردىڭ ارتۋى كەزىندە ايرىقشا وزەكتى بولىپ وتىر، - دەدى ەلباسى.

بۇدان بولەك، وڭىرلەر اكىمدەرىنە ۇلت جوسپارىن، قابىلداعان الەۋمەتتىك مىندەتتەمەلەردى ءتيىمدى ورىنداۋ، جۇمىسپەن قامتۋ جانە حالىقتىڭ مۇڭ- مۇقتاجىنا ۋاقىتىلى نازار اۋدارۋ، سونداي- اق جەرگىلىكتى جەرلەردە يدەولوگيالىق جۇمىستاردى جاقسارتۋ جونىندە مىندەتتەر قويىلدى.

نۇرسۇلتان نازاربايەۆ قاۋىپسىزدىك كەڭەسى وتىرىسىنىڭ قورىتىندىسى بويىنشا ءبىرقاتار ناقتى تاپسىرما بەردى.