استانادا رەسپۋبليكالىق «ۇلى دالا جارمەڭكەسى» وتۋدە
كورمەنىڭ نەگىزگى ماقساتى - قازاقتىڭ ءداستۇرلى قولونەرىن دارىپتەپ، شەبەرلەر مەن قولونەرشىلەردىڭ «ەكسپو-2017» كورمەسىنە قاتىسۋىنا جول اشۋ.
كورمەگە كەلۋشىلەر قولونەرشىلەردىڭ ءجۇن، كيىز، بىلعارى، اعاش، تاستار مەن كۇمىستەن جاسالعان ەرەكشە اشەكەي بۇيىمدارمەن، ىدىس- اياقتاردى جانە باسقا دا زاتتاردى تاماشالاي الادى. سونىمەن قاتار شارانىڭ اشىلۋ سالتاناتىندا ءسان الەمىندە جوعارى باعالاتىن «اسىل ديزاين»، «تاربيە»، «ماريا حانىم»، «نۇراسەم» جانە «Aigul Line» ءسان ۇيلەرى ديزاينەرلەرىنىڭ ونىمدەرى كورسەتىلدى.
ال، كەلۋشىلەرگە ۇسىنالاتىن ەرەكشە سىيدىڭ ءبىرى - وپەرا ءانشىسى مايرا مۇحامەد قىزىنىڭ كىشكەنتاي قىزدارعا ارنالعان «MairaAida» برەندىنىڭ تانىستىرىلۋى بولدى.
ءىس- شارانىڭ ۇيىمداستىرۋشىلارى - قازاقستانداعى بۇۇ دامۋ باعدارلاماسى، EXPO&WOMEN حالىقارالىق ۇيىمى جانە G-GLOBAL حالىقارالىق حاتشىلىعى بولىپ تابىلادى.
