12:26, 09 - قىركۇيەك 2016 | GMT +5
ەلباسى قارجى مينيسترىنە جەكەشەلەندىرۋدى ءتيىستى دەڭگەيدە ورىنداۋعا تاپسىردى
استانا. قازاقپارات - بۇگىن ەلباسىنىڭ قاتىسۋىمەن ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا قارجى ءمينيسترى باقىت سۇلتانوۆ «جەكەشەلەندىرۋدى، جاريا ەتۋدى جانە مەملەكەتتىك ساتىپ الۋ ۇدەرىستەرىن كەڭەيتۋ ەكونوميكانى جانداندىرۋعا ءوز ۇلەسىن قوسقاندىعىن» اتاپ ءوتتى.
«اعىمداعى جىلدىڭ بيۋدجەتىن ناقتىلاۋعا جانە كەلەسى ءۇش جىلدىق مەرزىمگە وڭ جوسپارلاردى ازىرلەۋ ءۇشىن رەسۋرستىق نەگىزى قالىپتاستىرىلدى»، - دەپ توقتالدى مينيستر.
ب. سۇلتانوۆ جەكەشەلەندىرۋ جوسپارعا سايكەس ىسكە اسىرىلىپ كەلە جاتقانىن، 299 نىسان جەكە قولعا جىبەرىلگەنىن، ونىڭ ىشىندە 85 ءى بيىلعى جىلدىڭ ۇلەسىندە ەكەنىن اتاپ ءوتتى.
وسى ورايدا مەملەكەت باسشىسى جەكەشەلەندىرۋ باعدارلاماسىن تولىق ورىنداۋ ءۇشىن قارجى مينيسترىنە ءتيىستى تاپسىرما بەردى. ەلباسى ءوز سوزىندە بۇل باعىتتاعى شارالار قاجەتتى دەڭگەيدە اتقارىلماسا، ەكونوميكانى العا جىلجىتۋدا كەدەرگىلەر بولاتىنىن قاداپ ايتتى.
«بۇل باعىتتاعى جۇمىس ءتيىستى باقىلاۋدا. نىسانداردىڭ نەگىزگى كولەمى حولدينگتەردىڭ قولىندا»، - دەپ جاۋاپ بەردى ب. سۇلتانوۆ.
اۆتور: رۋسلان عابباسوۆ
