09:18, 09 - قىركۇيەك 2016 | GMT +5
ەلميرا سىزدىقوۆا وزىنە سىيلاعان كولىكتى اكەسىنە بەردى
قاراعاندى. قازاقپارات - وليمپيادا جۇلدەگەرى ەلميرا سىزدىقوۆا سىيعا بەرىلگەن Toyota Camry كولىگىن اكەسىنە تارتۋ ەتتى، دەپ حابارلادى سپورتشى.
«Toyota Camry كولىگىن (قاراعاندى وبلىسى اكىمى ريو وليمپياداسىنداعى جەتىستىگى ءۇشىن سىيعا بەرگەن) اكەمە بەردىم. ول ونىمەن ۇيگە كەتتى»، - دەدى ە. سىزدىقوۆا قازاقپارات تىلشىسىنە.
ونىڭ ايتۋىنشا، سپورتشى ەڭ ءبىرىنشى ورىنعا اتا-اناسىن قويادى.
ەلميرا وزىنە قاراعاندى وبلىسىنىڭ گرەك-ريم كۇرەسى، ەركىن جانە ايەلدەر كۇرەسى فەدەراتسياسى سىيعا بەرگەن Toyota Corolla كولىگىن قالدىرعان.
ازىرگە سپورتشى ءوزىنىڭ تۋعان ءۇيى سولتۇستىك قازاقستان وبلىسىنا بارعان جوق. ول اتا-اناسىمەن بىرگە دەمالۋدى ارماندايدى.
قاراشا ايىندا ەلميرا ازەربايجاندا وتەتىن Golden Gran Prix Baku حالىقارالىق جارىسىنا قاتىسۋدى جوسپارلاپ وتىر.
«جاقىن كۇندەرى جاتتىعۋدى باستايمىن. ماعان دەمالۋ دا زيان»، - دەدى وليمپيادا جۇلدەگەرى.
