مەكتەپتە وق اتقان وقۋشى قىزدار بولىپ شىقتى

استانا. قازاقپارات - امەريكا پوليتسياسى تەحاستىڭ الپاين شتاتىنداعى مەكتەپتە بولعان اتىستىڭ ءمان-جايىن حابارلادى.

بۇل تۋرالى ABC News-قا سىلتەمە جاساپ، لەنتا. رۋ جازۋدا.

الدىن الا اقپاراتقا سايكەس، وقۋشى قىزداردىڭ ءبىرى اجەتحانا بولمەسىندە ەكىنشى قىزعا وق اتىپ، سوڭىنان وزىنە-ءوزى قول سالعان. زارداپ شەككەن قىز بالا اۋرۋحاناعا جەتكىزىلدى.

ونىمەن قوسا، جۇرگىزىلگەن وپەراتسيا بارىسىندا ءتارتىپ ساقشىلارىنىڭ ءبىرى كەزدەيسوق اتىلعان وقتان جاراقات الدى. وقتى كىم اتقانى ايتىلماعان.

بۇعان دەيىن اتىس مەكتەپتىڭ اكت زالىندا باستالعانى حابارلانعان بولاتىن. مەكتەپ عيماراتى قورشاۋعا الىنىپ، بارلىق 280 وقۋشى قاۋىپسىز جەرگە كوشىرىلدى.

الپاين قالاسى تەحاس شتاتىنىڭ باتىسىندا ورنالاسقان. ول برۋستەر وكرۋگىنىڭ ورتالىعى بولىپ تابىلادى. 2010-جىلعى حالىق ساناعى بويىنشا الپايندا 6 مىڭعا جۋىق ادام تۇرادى.