02:35, 09 - قىركۇيەك 2016 | GMT +5
ەۋروكەڭەس ءتوراعاسى بريتانيانىڭ ەۋرو وداق قۇرامىنان تەزىرەك شىعۋىن ءوتىندى
استانا. قازاقپارات - ەۋروكەڭەس ءتوراعاسى دونالد تۋسك ۇلى بريتانيا پرەمەر- ءمينيسترى تەرەزا مەيدى كورولدىكتىڭ ەۋرو وداق قۇرامىنان شىعۋ جونىندەگى كەلىسسوزدى جەدەل باستاۋعا شاقىردى.
ءوز كەزەگىندە تەرەزە مەي ءتيىستى مامىلەنى جۇزەگە اسىرۋ ءۇشىن ۇلى بريتانياعا ءالى دە ۋاقىت قاجەتتىگىن ايتتى.
ونىڭ پايىمىنشا، كورولدىك ەۋرو وداق قۇرامىنان رەسمي تۇردە شىعۋ تۋرالى ءوتىنىشتى 2017 -جىلدىڭ باسىندا بەرۋى مۇمكىن. سوندا عانا ولار ليسسابون كەلىسىمىندەگى 50- تارماقتى ىسكە اسىرىپ، كورسەتىلگەن بارلىق تالاپتاردى ورىنداي الادى. وعان دەيىن بريتانيا، ەۋرو وداقتىڭ تولىققاندى مۇشەسى رەتىندە بارلىق ماڭىزدى ىستەرگە بەلسەندى قاتىساتىنىن اتاپ ءوتتى.
www.24.kz
