00:05, 09 - قىركۇيەك 2016 | GMT +5
وباما وزىنە ءتىل تيگىزگەن فيليپپين پرەزيدەنتىمەن كەزدەستى
استانا. قازاقپارات - ا ق ش پەن فيليپپين پرەزيدەنتى لاوستا وڭتۇستىك- شىعىس ازيا ەلدەرىنىڭ قاۋىمداستىعىنىڭ سامميتى اياسىندا بەيرەسمي كەزدەسۋ وتكىزدى. وسى باسقوسۋدان كەيىن امەريكا بيلىگى 2 باسشىنىڭ اراسىنداعى قاقتىعىس توقتايدى دەپ مالىمدەگەن.
ەستەرىڭىزگە سالا كەتسەك، رودريگو دۋتەرتە بىرنەشە كۇن بۇرىن فيليپپيندەگى سوتسىز جۇزەگە اسقان اتۋ جازالارىن تالقىلاۋدى ۇسىنعان اق ءۇي باسشىسىنا ءتىل تيگىزىپ، اقىر سوڭىندا وباما ەرتەڭىندە جوسپارلانعان كەزدەسۋدى كەيىنگە شەگەرگەن ەدى.
بۇدان باسقا، دۋتەرتەنىڭ دورەكى مالىمدەمەسىنەن كەيىن فيليپپين نارىعىندا پروبلەمالار باستالعان. شەتەلدىك ينۆەستورلار ءبىر كۇننىڭ ىشىندە ەلدەن 58 ميلليون دوللاردى الىپ كەتتى.
پەرفەكتو ياساي، فيليپپين سىرتقى ىستەر ءمينيسترى:
- ءيا، كەزدەسۋدىڭ بولعانى راس. ءبىراق باس قوسۋدىڭ قانشا ۋاقىتقا سوزىلعانىن تاپ باسىپ، ايتا المايمىن. ءبىراق كەزدەسۋ جاقسى دەڭگەيدە ءوتتى. وسىنىڭ ارقاسىندا ەكى ەلدىڭ اراسىنداعى قارىم- قاتىناس جاقسارىپ، بەكي تۇسەدى دەپ ويلايمىن.
www.24.kz
