قازاقستان ەڭ بەدەلدى ەلدەر رەيتينگىسىندە رەسەيدەن وزىپ كەتتى
قازاقستان بۇل تىزىمدە 61 - بولىپ تۇر. ال رەسەي قىرىمعا قاتىستى جاعدايدان سوڭ جانە سيرياداعى باشار اساد رەجيمىن قولداعانى ءۇشىن 65- ورىنعا تۇسكەن.
تىزىمدە شۆەتسيا كوش باستاپ تۇر. ول تۇرعىندارىنىڭ ءال- اۋقاتى مەن ءومىر ءسۇرۋدىڭ جوعارى دەڭگەيىنىڭ ارقاسىندا الەم ساحناسىندا ءوز بەدەلىن ارتتىرا ءتۇستى.
ۇزدىك ۇشتىك قۇرامىنا كانادا مەن شۆەيتساريا ەنىپ تۇر. ءبىر قىزىعى، ا ق ش تا، انگليا دا ۇزدىك وندىق قاتارىنان كورىنبەدى. امەريكا قۇراما شتاتتارىنىڭ بەدەلىنىڭ ءتۇسىپ قالۋىنا ميلۋوكي قالاسىنداعى جاپپاي تارتىپسىزدىك پەن افرو امەريكالىقتاردىڭ ءجيى نارازىلىق تانىتۋى سەبەپ بولىپ وتىر. وعان قوسا، ءبىرقاتار شتاتتاردا قىلمىستىڭ كوبەيۋى دە اسەر ەتكەن. وسىلايشا، ا ق ش 28-ورىنعا شىقتى. ال بريتاندىقتار بولسا 13-ورىندى قاناعات تۇتقان.
رەيتينگ 16 تالاپ بويىنشا جاساعان. ماسەلەن، قاۋىپسىزدىك، ءسوز بوستاندىعى، مەملەكەتتىك الەۋمەتتىك ساياساتى، ۇكىمەت تيىمدىلىگى، ەكونوميكا مەن جەرگىلىكتى تۇرعىنداردىڭ قوناقجايلىلىعى.
ەلدەر رەيتينگىسى:
شۆەتسيا
كانادا
شۆەيتساريا
اۆستراليا
نورۆەگيا
فينليانديا
جاڭا زەلانديا
دانيا
يرلانديا
نيدەرلاندى
... 59. ۋكراينا
...61. قازاقستان
...65. رەسەي
ФОТО: ABOUTKAZAKHSTAN.COM
