سالافيزمدى زاڭمەن تىيىم سالۋعا كەلگەندە باسقا ستاندارتتاردى العا تارتۋ دۇرىس ەمەس - قايرات جولدىباي ۇلى
«بۇگىنگى زاڭ جوباسىندا مەنىڭشە، تەررورلىق اكتىلەردىڭ الدىن الۋعا باعىتتالعان زاڭ نورمالارى كوبىرەك قاراستىرىلعان دەپ ويلايمىن. ەكسترەميزم، شەكتەن شىعۋ، قوعام اراسىنا ىرىتكى سالۋ، ادامداردى قاتىگەزدىككە تاربيەلەۋگە قاتىستى نورمالار ءتيىستى دەڭگەيدە قاراستىرىلماعان. مەنىڭ پىكىرىمشە، قوعام وسىنى كۇتىپ وتىر. ارينە، قارۋ- جاراقتى، كوشى- قوندى قاداعالاۋ دۇرىس. قارۋدى شەكتەۋ كەرەك. الايدا، سانا ەكسترەميزمگە دايىن بولسا، وعان قانداي دا ءبىر قارۋدىڭ قاجەتى دە شامالى. بۇعان ءبىر عانا مىسال فرانسيادا جۇك كولىگىمەن دە جۇرتتى تاپتاپ وتە شىققانىن بىلەسىزدەر»، - دەدى قايرات جولدىباي ۇلى.
بۇل رەتتە ءدىن مامانى ەكسترەميزممەن كۇرەس جاعىن قاتايتۋدىڭ قاجەتتىگىن العا تارتادى. سونىمەن قاتار، قايرات جولدىباي ۇلى ينتەرنەت سايتتارى ارقىلى ءالى كۇنگە ءتۇرلى ەكسترەميستىك باعىتتاعى كىتاپتاردىڭ، ادەبيەتتەردىڭ ءورىپ جۇرگەنىنە توقتالدى. ونىڭ ايتۋىنشا، بۇل جاعىن دا كوبىرەك قاداعالاۋ كەرەك.
«ارينە، يدەولوگياعا يدەولوگيامەن قارسى تۇرامىز دەگەن دۇرىس. الايدا، قازاقستاندا بۇرىن «تابليعي جاماعات» دەگەن اعىم بولعان، ول يدەولوگيا، ەش جەردە تىركەلمەگەن اعىم ەدى. وسىعان ءبىز زاڭ ارقىلى توسقاۋىل قويدىق، تىيىم سالدىق. ال ەندى تۋرا سول سەكىلدى سالافيزم اعىمىنا كەلگەندە ءبىز باسقا ستاندارتتار ويلاپ كەتەمىز. نەگە بۇلاي؟ يدەولوگياعا قارسى كۇرەس ءۇشىن دە مەملەكەتتەن قولداۋ دا كەرەك، قاراجات تا ءبولىنۋى كەرەك. وسىنى ەسكەرسەڭىزدەر»، - دەدى ق. جولدىباي ۇلى.
اۆتور: قانات مامەتقازى ۇلى
