14:42, 08 - قىركۇيەك 2016 | GMT +5
ا ق ش كونگرەسىنە زيكا ۆيرۋسىن جۇقتىرعان ماسالار اكەلىندى
استانا. قازاقپارات - قۇتىداعى ءجۇز ماسا زيكا ۆيرۋسىن ەسكە سالىپ تۇرۋى ءتيىس، دەپ مالىمدەگەن رەسپۋبليكاشىل دەۆيد دجوللي ا ق ش كونگرەسىنە اۋرۋ جۇقتىرعان ماسالار اكەلدى، دەپ حابارلادى АВС News.
ساياساتكەر قازىرگى بەزگەكپەن كۇرەس جۇمىستارىن «قوقىس» دەپ اتادى. ءسوز سويلەۋ كەزىندە ساياساتكەر ماسا سالىنعان قۇتىنى ءارى-بەرى سەرمەپ، ارىپتەستەرىن ابىگەرگە سالدى. كونگرەسسمەن اۋرۋدى زەرتتەيتىن زەرتحانالاردىڭ قارجىلاندىرۋعا مۇقتاج ەكەنىن ايتتى.
ايتا كەتەيىك، ا ق ش سەناتى زيكا ۆيرۋسىمەن كۇرەسكە قارجى ءبولۋ زاڭ جوباسىن بۇعاتتاپ تاستاعان ەدى.
جەرگىلىكتى ب ا ق- تىڭ جاريالاۋىنشا، شىن مانىندە دجوللي ءارى-بەرى سىلتەگەن قۇتى ىشىندە ساۋ ماسالار بولعان.
