حالىقارالىق پاراليمپيادا كوميتەتى پاراليمپياداداعى رەسەي تۋىنا قاتىستى وقيعانى تەكسەرەدى
قولىنداعى رەسەي تۋىن تارتىپ العانشا، ەر ادام ستاديون ىشىندە ونداعان مەتر ءجۇرىپ ۇلگەرگەن.
ح پ ك ءتارتىپ بۇزعان ەر ادامنىڭ اتى-ءجونىن انىقتاپ، تارتىپتىك شارالار تۋرالى شەشىم قابىلدايتىنىن مالىمدەدى.
بۇكىل الەمدىك دوپينگكە قارسى اگەنتتىكتىڭ (WADA) تاۋەلسىز كوميسسياسىنىڭ رەسەيدە دوپينگ قولدانۋدىڭ مەملەكەتتىك دەڭگەيدە قولداۋعا يە بولعانى تۋرالى بايانداماسىنان كەيىن رەسەي پاراليمپيادا كوميتەتىنىڭ ۋاقىتشا شەتتەتىلۋىنە بايلانىستى، رەسەيلىك سپورتشىلار پاراليمپيادا ويىندارىنا قاتىسا المادى.
سپورتشىلاردى شەتتەتۋ شەشىمىمەن كەيىن بەلورۋستىك دەلەگاتسيا رەسەيلىك پاراليمپياداشىلارعا قولداۋ ءبىلدىرۋ ماقساتىندا پاراليمپيادانىڭ اشىلۋ سالتاناتىندا رەسەي تۋىن الىپ جۇرۋگە ۋادە بەردى.
الايدا، رەسەيلىك ب ا ق- تىڭ حابارلاۋىنشا، ح پ ك بۇل ارەكەتتىڭ ساياسي بەلگى ەكەنىن مالىمدەپ، بەلورۋستەرگە تىيىم سالعان.
ەسكە سالا كەتسەك، ريو-دە-جانەيروداعى پاراليمپيادا ويىندارى 7-18- قىركۇيەك ارالىعىندا وتەدى.
