بايان ەسەنتايەۆا كۇيەۋىنىڭ كازينوعا قۇمارلىعى جايىندا ايتىپ بەردى

  استانا. قازاقپارات - بايان ەسەنتايەۆا كازينو جايلى العاش رەت سۇحبات بەرىپ، كۇيەۋىنىڭ جەڭىلىپ قالعانى ءۇشىن كازينو قىزمەتكەرىن ۇرعانى جايىندا ايتىپ بەردى.

پروديۋسەر تەلەجۇرگىزۋشى دينارا ءساتجانعا سۇحبات بەردى.

«ماعان وڭايعا سوققان جوق. سول كەزدەگى شۋلى وقيعاعا بايلانىستى ۆيدەوداعى ەر ادامنىڭ كۇيەۋىم ەمەس ەكەنىن ايتتىم، مەنىڭ باسقا امالىم بولعان جوق. ءيا، ول مەنىڭ كۇيەۋىم، ول سونداي مادەنيەتسىز دەسەم ودان نە وزگەرەر ەدى»، - دەيدى بايان ەسەنتايەۆا.

ەسەنتايەۆا كۇيەۋىنىڭ ەكەۋى باس قوسقاننان بەرى كازينو وينايتىنىن ايتادى.

«22  جىل مەن وسىنداي ۇتىستارعا، ۇتىلىستارعا ۇيرەنىپ كەتتىم. ول ءىرى كولەمدە اقشا ۇتىلىپ جاتتى. مەن ودان ساق بولۋىن سۇرايتىنمىن. بۇل مەنىڭ ەمەس، ونىڭ شارۋاسى ەكەنىن، ونىڭ وسىدان باسقا ەشنارسە ىستەي المايتىنىن، ونىڭ كاسىبي ويىنشى ەكەنىن جاقسى ءتۇسىندىم. ءوز باسىم كازينوعا بارىپ كورمەپپىن. كازينونىڭ مەنىڭ وتباسىما قاتىستى اڭگىمەسىن ەلەمەي جۇرۋگە تىرىستىم. سول ءۇشىن قانشا جاس توگىلدى. قانشا ءۇي، قانشا كولىك زايا كەتتى. ءتىپتى ول جايىندا ايتقىم دا كەلمەيدى».

سول روليك مەنىڭ كۇيزەلىستە جۇرگەن كەزىمدە شىقتى، مەن بارلىق ارنالارعا حابارلاسىپ، ونى تاراتپاۋلارىن سۇرادىم. مەن ءۇي ىشىندە ول جايلى ۇرىس شىعارمايتىنمىن. جولداسىم مەنىڭ و باستاعى ءوز تاڭداۋىم بولعاندىقتان، وعان، ونىڭ كاسىبىنە قۇرمەتپەن قارادىم. مەندە باسقا امال بولعان جوق»، - دەيدى پروديۋسەر.

ول كۇيەۋى ەكەۋىنىڭ كوپ قيىندىقتاردى دا باستان كەشكەنىن ايتادى.

«مەن ەشقاشان اش قالعان ەمەسپىن. ونىڭ ءبىر كەزدەرى كوپ اقشا تاپقان كەزدەرى بولدى. كەيدە مۇلدە اقشامىز بولماي قالعان دا كۇندەرىمىز بولدى. مەنىڭ تۇراقتى ءوز جۇمىسىم بولعاندىقتان، مەن ونىڭ تابىسىنا وتە مۇقتاج ەمەس ەدىم. مەن بارلىعىنا جاۋاپ بەرمەيتىن بولدىم»، - دەيدى ەسەنتايەۆا.

Stan.kz