11:19, 08 - قىركۇيەك 2016 | GMT +5
بۇرىنعى جىگىتىنەن كەك الماق بولعان بويجەتكەن شاتاسىپ، وزگەنىڭ كولىگىن ورتەپ جىبەردى - كەسكىن
استانا. قازاقپارات - فلوريدا شتاتىنىڭ كليرۋوتەر قالاسىندا (ا ق ش) ايىرىلىسقان جىگىتىنەن كەك الماق بولعان بويجەتكەن قىز شاتاسىپ، وزگە بىرەۋدىڭ كولىگىن ورتەپ جىبەردى دەپ حابارلايدى sn.kz.
«كەك الۋ» ءساتى جازىلعان بەينەماتەريالدى جەرگىلىكتى پوليتسيا دەپارتامەنتى ءوزىنىڭ فەيسبۋكتەگى پاراقشاسىندا جاريالاعان.
ۆيدەوروليكتە جاس قىزدىڭ جول بويىندا تۇرعان Honda كولىگىنىڭ جۇك سالعىشىن ورتەپ جاتقان ءساتى انىق كورىنەدى. وقيعا ورنىنا دەرەۋ جەتكەن پوليتسيا قىزمەتكەرلەرى 19 جاستاعى كارمەن شامبلي ەسىمدى جەرگىلىكتى تۇرعىندى قولعا ءتۇسىردى.
ول ءتارتىپ ساقشىلارىمەن اڭگىمە بارىسىندا قىلمىسىن مويىنداپ، جىگىتىنەن كەك الۋ ءۇشىن وسىنداي قادامعا بارعانىن ايتىپ بەردى. ۇستالعان بويجەتكەنگە بىرەۋدىڭ مۇلكىن ءبۇلدىردى دەگەن ايىپ تاعىلىپ وتىر. ال ورتەنگەن كولىكتىڭ كىمگە تيەسىلى ەكەنى ايتىلماۋدا.
