كوشپەندىلەر ويىنىنداعى اي ءجۇزدى سۇلۋلار - فوتو

استانا. قازاقپارات - ادەمىلىككە جانى قۇمار جاندار ەڭ سۇلۋ دەگەن قىزداردى قاشان دا ايعا تەڭەگەن. قازاق حالقى دۇنيەگە كەلگەن قىزعا «ايداي نۇرلى» بولسىن دەگەن نيەتپەن اينۇر، ايارۋ، ايبارشىن، ايگۇل، ايجان، ايكەرىم، ايدانا، ايسۇلۋ، ايعانىم سىندى ەسىمدەردى ءجيى قويادى.

جالپى سۇلۋلىققا كوزقاراس ءار ەلدە ءارتۇرلى. الايدا ەرتەگى حانشايىمىنا ۇقساس مىناداي ارۋ جۇزىنە قاراعان ساتتە قاي ەلدىڭ بولسىن ازاماتى ءۇنسىز ءوتىپ كەتە الماس.

قىرعىزستاندىق Sputnik باسىلىمى بۇكىلالەمدىك كوشپەندىلەر ويىنىنىڭ ەڭ تارتىمدى قاتىسۋشىلارىن جاريالادى.

كوشپەندىلەر ويىنى ايگىلى ىستىق كول جاعالاۋىندا وتۋدە. وعان الەمنىڭ 53 مەملەكەتىنىڭ سپورتشىلارى قاتىسۋدا.

قازاقستان قۇراماسىنىڭ اتىنان اتالمىش باسەكەدە 75 سپورتشى ونەر كورسەتەدى. ويىندار ەرتەڭ، 8 - قىركۇيەكتە اياقتالادى.

قازاقستان قۇراماسى ازىرگە 5 التىن، 3 كۇمىس، 6 قولا مەدالمەن ءۇشىنشى ورىندا كەلە جاتىر. ءبىرىنشى ورىن - رەسەي سپورتشىلارىنىڭ ەنشىسىندە.

الايدا سايىستى ۇيىمداستىرۋشىلار بۇل ويىننىڭ باستى فاۆوريتى رەتىندە ءبىزدىڭ سپورتشىلارىمىزدى اتاعان.

 

Stan.kz