جەر شارىن اينالىپ ۇشقان قىرعىزستاندىق قازىر افريكاعا كەلىپ ايالدادى

استانا. قازاقپارات - قىرعىزستاندىق سويۋزبەك ساليەۆ جەر شارىن اينالىپ ۇشىپ ءوتۋ ءۇشىن ساياحاتىن جالعاستىرۋدا.

قازىرگى ۋاقىتتا ول باتىس افريكادا اتلانت مۇحيتىن كەسىپ ۇشىپ ءوتۋ ءۇشىن جايلى اۋا رايدى كۇتىپ وتىر، دەپ حابارلايدى kabar.kg.

ەسكە سالا كەتسەك، جەردى اينالىپ ۇشۋ ساياحاتىن س. ساليەۆ Mooney Ovation-2 ءبىر موتورلى ۇشاعىمەن جالعاستىرۋدا. ول جەر شارىن 50 كۇندە اينالىپ شىعۋدى جوسپارلاۋدا. ونىمەن بىرگە شتۋرمان رەتىندە 72 جاستاعى ليتۆالىق يوناس جۋكنۋس بار، ول 2012-جىلى جەر شارىن اينالىپ ۇشىپ وتكەن. ەكى ساياحاتشى بىشكەكتە 25- تامىزدا ۇشىپ شىققان بولاتىن.

س. ساليەۆ الەۋمەتتىك جەلىدەگى پاراقشاسىندا سۋداننىڭ دونگولا قالاسىنداعى اۋەايلاعىنان نيگەرياعا ۇشىپ شىققانى تۋرالى جازدى. ولار توعىز ساعاتتان كەيىن نيگەريانىڭ سولتۇستىگىندەگى كانو قالاسىنداعى اۋەجايعا كەلىپ جەتتى.

«بۇدان سوڭ ءبىز كوت-د'يۆۋاردىڭ ابيدجان قالاسىنا جەتتىك. بۇل ءتورت ارالدا ورنالاسقان اسەم قالا. قازىر وندا «قىس». جىلدىڭ ەڭ سالقىن كەزى. دالادا ىلعالدى، 30 گرادۋس شاماسىندا جىلى. الدىمىزدا ەڭ قيىن باعدار جاتىر، ول اتلانت مۇحيتىن كەسىپ ۇشۋ. ازىرگە مۇحيت ۇستىندەگى جازعى اۋا رايىن كۇتىپ جاتىرمىز»، - دەپ جازدى س. ساليەۆ.