07:49, 08 - قىركۇيەك 2016 | GMT +5
وزبەكستاندا پرەزيدەنت مىندەتىن ۋاقىتشا اتقارۋ ماسەلەسى شەشىلەدى
تاشكەنت. قازاقپارات - وزبەكستان رەسپۋبليكاسىنىڭ زاڭ شىعارۋشى پالاتاسى مەن ولي ءماجىلىسى سەناتى 8- قىركۇيەك كۇنى بىرلەسكەن وتىرىس وتكىزەدى.
بۇل تۋرالى «وزبەكستان» تەلەارناسى حابارلادى. كۇن تارتىبىنە وزبەكستان رەسپۋبليكاسى پرەزيدەنتى مىندەتىن ۋاقىتشا اتقارۋ ماسەلەسى تالقىلانادى.
ەسكە سالا كەتەيىك، 2016-جىلدىڭ 2- قىركۇيەك كۇنى 79 جاسقا قاراعان شاعىندا وزبەكستان پرەزيدەنتى يسلام كاريموۆ كوز جۇمدى. مەملەكەت باسشىسىنىڭ جەرلەۋ ءراسىمى 3- قىركۇيەك كۇنى سامارقاند قالاسىندا ءوتتى. جەرلەۋ ءراسىمىن وزبەكستان پرەمەر-ءمينيسترى شاۆكات ميرزيەيەۆ ۇيىمداستىردى. پرەزيدەنتتىڭ قايتىس بولۋىنا بايلانىستى ەلدە ءۇش كۇندىك قارالى كۇن جاريالاندى.
