اسانالى ءاشىموۆ الماتىدا ءوز اتىنداعى جۇلدىزدى جاعادى
ءارتىستىڭ جۇلدىزى ءمارمار ۇگىندىلەرىنىڭ كومپوزيتسياسى، مىس، جەز سەكىلدى ماتەريالداردان جاسالعان. جۇلدىز كولەمى: 60*60.
اشىلۋ راسىمىنە ش. ايمانوۆ اتىنداعى «قازاق فيلم» كينوستۋدياسىنىڭ ديرەكتورى باقىت قايىربەكوۆ، م. اۋەزوۆ اتىنداعى قازاق مەملەكەتتىك اكادەميالىق تەاترىنىڭ ديرەكتورى ەرلان ءبىلال، قازاقستاننىڭ حالىق ءارتىسى، «قازاق كونسەرت» قازاق مەملەكەتتىك گاسترولدى- كونسەرتتىك بىرلەستىگىنىڭ جەتەكشىسى التىنبەك قورازبايەۆ قاتىسادى.
اشىلۋ راسىمىنەن كەيىن ءاسانالى ءاشىموۆتىڭ 75 جىلدىعىنا ارناپ تۇسىرىلگەن «زەركالنىح دەل ماستەر» دەرەكتى فيلمىنىڭ جابىق كورسەتىلىمى وتەدى. فيلم پرەمەراسى 2012-جىلى جامبىل اتىنداعى شىعىس قازاقستان وبلىستىق دراما تەاترىندا وتكەن ەدى. الماتىدا فيلم العاش رەت كورسەتىلەدى.
ايتا كەتەيىك، جۇلدىزدار اللەياسىندا ەكى دۇركىن وليمپيادا چەمپيونى، ءتورت دۇركىن الەم چەمپيونى، يۋنيورلار اراسىنداعى ەكى دۇركىن الەم چەمپيونى، ازيا ويىندارىنىڭ ەكى دۇركىن چەمپيونى يليا ءيليننىڭ جۇلدىزى جاعىلعان ەدى. ودان كەيىن «دوم» قورىنىڭ باسشىسى ارۋجان ساين ءوز جۇلدىزىن جاقتى. 2- قازان كۇنى جۇلدىزدار اللەياسىنا وليمپيادا چەمپيونى، قازاقستان ۆەلوسپورت فەدەراتسياسىنىڭ ۆيتسە-پرەزيدەنتى، Pro Team Astana ۆەلوكومانداسىنىڭ باس مەنەدجەرى الەكساندر ۆينوكۋروۆ اتىنداعى جۇلدىز قوسىلدى.
