جەلىدە توقتار تولەشوۆتىڭ ءوز قولىمەن جازعان مويىنداۋ حاتى جاريالاندى

استانا. قازاقپارات - ءمور باسىلعان اتالعان قۇجاتتا «شىمكەنت سىرا» ج ش س- ءنىڭ ەكس-ديرەكتورى وزىنە تاعىلعان ايىپتاردى، اتاپ ايتقاندا، قازاقستاندا ميتينگتەر ۇيىمداستىرعانىن مويىنداعان.

بۇل تۋرالى NewTimes.kz اقپاراتتىق اگەنتتىگى حابارلاپ وتىر دەپ جازادى sn.kz.

تولەشوۆتىڭ قولى قويىلىپ، ءمور باسىلعان قۇجاتتىڭ كوشىرمەسى Facebook الەۋمەتتىك جەلىسىندە جاريالاندى. وندا شىمكەنتتىك وليگارح جەر ساۋداسىنا قاتىستى وتكەن ميتينگتەردى راسىمەن دە ءوزى ۇيىمداستىرعانىن جازعان.

«مەن ءوز قولاستىمدا جۇمىس ىستەيتىن ايانوۆقا 100000 دوللار بەرىپ، قازاق جەرىنىڭ شەتەلدىكتەرگە ساتىلاتىنى تۋرالى جالعان اقپاراتتى جۇرتقا تاراتۋعا تاپسىردىم. مەن مۇنىڭ حالىق نارازىلىعىن تۋدىراتىنىن، حالىق جەرىن قورعاۋ ءۇشىن الاڭعا شىعاتىنىن ءبىلدىم»، - دەلىنگەن توقتار تولەشوۆتىڭ ءوز قولىمەن جازعان حاتىندا.

ونىڭ سوزىنە سەنسەك، تولەشوۆ قازاقستاندا ۆيتسە-پرەزيدەنت دەگەن لاۋازىم قۇرىپ، ءوزى سول ورىنعا وتىرعىسى كەلگەن. ول سونداي-اق، ميتينگكە قاتىسقاندارعا اقشا بەرگەنىن دە اشىپ جازىپتى.

ەستەرىڭىزگە سالايىق، توقتار تولەشوۆ 2016-جىلدىڭ 30- قاڭتارىندا ۇستالعان بولاتىن. وعان مەملەكەتتىك توڭكەرىس جاساماق بولدى، ميتينگ ۇيىمداستىردى، كىسى ۇرلادى، كىسى ءولتىردى دەگەن سەكىلدى اۋىر ايىپتار تاعىلىپ وتىر.