00:08, 08 - قىركۇيەك 2016 | GMT +5
ۇشقىشتار قاتەلەسىپ باسقا قۇرلىققا قونعان
استانا. قازاقپارات - AirAsia اۋە كومپانياسىنا تيەسىلى Airbus A330 ۇشاعى قاتەلىكتىڭ كەسىرىنەن مالايزيالىق كۋالا-لۋمپۋرعا قونۋدىڭ ورىنىنا اۆستراليانىڭ مەلبۋرن قالاسىنداعى اۋەجايعا بارىپ قونعان.
بۇل تۋرالى «كومسومولسكايا پراۆدا» حابارلايدى.
جولاۋشىلار مىنگەن لاينەر سيدنەيدەن ۇشىپ شىققان. بۇدان سوڭ پيلوتتار ناۆيگاتسيالىق جۇيەدەگى اقاۋلاردى انىقتايدى. تۇزەتۋگە تىرىسقان ۇشقىشتاردىڭ ارەكەتى جاعدايدى تىعىرىقتان الىپ شىقپاي، كەرىسىنشە ودان سايىن ورشىتە تۇسەدى. بۇل كەزدە ولار اۋا-رايىنىڭ اسەرىنەن سيدنەيگە قايتا ورالا المايتىن دا ەدى. مۇنداي جاعدايدا ۇشقىشتار تەك ۆيزۋالدى اقپاراتقا عانا جۇگىنۋگە ءماجبۇر بولادى.
ولار مەلبۋرنگە ۇشۋدى باقىلاپ وتىرعان ديسپەتچەردىڭ كومەگىمەن كەلىپ قونادى. الايدا كەيىن اۋە كەمەسىنىڭ كاپيتانى ءاۋ باستان ۇشۋ كوورديناتتارىن دۇرىس جۇرگىزبەگەنى بەلگىلى بولعان.
وقيعا ناۋرىز ايىندا بولعان. ءبىراق، تەك بۇگىن اۆستراليانىڭ ترانسپورتتىق قاۋىپسىزدىك بيۋروسىنىڭ ەسەبىنەن سوڭ عانا بەلگىلى بولىپ وتىر.
