زاعيپا باليەۆا ايەلدەردى تۇرمىستىق زورلىق-زومبىلىقتان قورعاۋ قادامدارىن سىنادى
بۇنداي پىكىردى بۇگىن استانادا ق ر پارلامەنتى ءماجىلىسىنىڭ دەپۋتاتى زاعيپا باليەۆا ءمالىم ەتتى.
«وسى ماسەلەدە بارلىعى زاڭنامالىق تۇرعىدا شەشىمىن تاپقان سەكىلدى. الايدا، نازىك جاندىلار زورلىق-زومبىلىققا تاپ بولعاندا، ءبىز زاڭنامادا ەسكەرىلگەن جاعدايدى جاساي الماي قالامىز. وسى رەتتە بالالارىمەن ورنالاسۋى ءۇشىن ايەلدەرگە قاجەتتى پانانى ۇسىنا المايتىن كەزدەر بولادى. بۇل باعىتتا ەرلى-زايىپتىلارمەن پسيحولوگيالىق جۇمىستار جۇرگىزگەن ماڭىزدى. ايەلدەردىڭ جاعدايىن جاقسارتۋدىڭ ورنىنا، ءبىز قىلمىستىق كودەكستە كەرىسىنشە احۋالدى تومەندەتۋدەمىز»، - دەدى دەپۋتات گەندەرلىك تەڭدىك تاقىرىبىنداعى قوعامدىق تىڭداۋدا.
ونىڭ سوزىنە قاراعاندا، ايەلدەردىڭ شاعىمىنەن كەيىن پوليتسەيلەر ەر ازاماتتى بىرنەشە ساعاتقا ۇستاپ، كەيىننەن بوساتادى.
«اشۋى تارقاماعان كۇيىندە ول تاعى دا ۇيىنە بارىپ، ءوزىنىڭ زورلىق-زومبىلىق ارەكەتتەرىن جالعاستىرادى. ناتيجەسىندە، قايعىلى وقيعالار ورىن الادى»، - دەدى ول.
اۆتور: رۋسلان عابباسوۆ
