الماتىدا «وليمپيادا جەڭىستەرىنىڭ تاريحى» كورمەسى اشىلدى

الماتى. قازاقپارات - الماتىدا «وليمپيادا جەڭىستەرىنىڭ تاريحى» كورمە ەكسپوزيتسياسىنىڭ اشىلۋى ءوتتى، دەپ حابارلايدى «قازاقپارات» ءتىلشىسى.

شاراعا كەلگەن بوكستان 2000-جىلعى وليمپيادا چەمپيونى ەرماحان ىبىرايىموۆ پەن جۇزۋدەن 2016-جىلعى وليمپيادا چەمپيونى دميتري بالاندين جاس سپورتشىلارعا تابىس تىلەدى.

كورمە وليمپيادا ويىندارىنداعى قازاقستاندىقتاردىڭ تابىسىنا جانە ريوداعى پاراليمپيادانىڭ اشىلۋ قۇرمەتىنە ارنالدى. ريوداعى پاراليمپياداعا سپورتتىڭ 5 تۇرىنەن 11 سپورتشى قازاقستاننىڭ نامىسىن قورعايتىن بولادى.

ەكسپوناتتار اراسىنان العاشقى وليمپيادا الاۋىن، 1980-جىلعى وليمپيادانىڭ ايۋىن، بىرنەشە وليمپيادانىڭ الاۋلارىن، قازاقستاندىق وليمپياداشىلاردىڭ فورمالارىن، قازاقستاندىق وليمپياداشىلار جەڭىپ العان مەدالداردى كورۋگە بولادى.

وليمپيادا ويىندارىنا قازاقستاندىق سپورتشىلار 1994-جىلدان بەرى قاتىسىپ كەلەدى. ريودا وتكەن وليمپيادا ەلىمىز ءۇشىن ەڭ تابىستى ويىندار بولدى. ءبىزدىڭ سپورتشىلار 17 مەدال: 3 التىن، 5 كۇمىس جانە 9 قولا جەڭىپ الدى. جۇلدەلەردىڭ جالپى سانى ەلىمىز ءۇشىن رەكوردتى بولدى.

كورمە 7- قازانعا دەيىن جالعاسادى.