مۇراجاي قىزمەتكەرلەرى كامەراعا ءتۇسىپ قالعان ەلەستەردى بايقاعان - كەسكىن

بىشكەك. قازاقپارات - پاۆلودار وبلىسىنىڭ تاريحي-ولكەتانۋ مۇراجايىنىڭ قىزمەتكەلەرى تىلسىم كۇشتەردەن قورقاتىنىن ايتادى.

بۇل تۋرالى 31- ارنا حابارلايدى.

بەينەباقىلاۋ كامەراسىنان ءارۋاق بەينەسىندەگى دەنەلەردىڭ جۇرگەنى بايقالعان. بۇعان دەيىن تۇنگى كۇزەتشىلەر دە مۇراجاي ىشىندە الدەڭەلەر جۇرەتىنىن، شۋلايتىنىن ايتىپ جۇرگەن ەكەن.

پوتانين اتىنداعى مۇراجايدى 1890-جىلى كوپەس ارتەمي دەروۆ سالعان ەكەن. ءوز زامانىندا ساۋدا ورنى، اسكەري ەمحانا، كەيىننەن پوشتا-تەلەگرافتىق كونتور بولىپتى.

«باستاپقىدا تۇنگى كۇزەتشىلەرىمىز مۇراجايدا الدەبىر تىلسىم كۇش يەلەرىنىڭ بارىن ايتىپ جۇرەتىن. جاس قىزمەتكەلەردىنڭ قورىققانىنان جۇمىستان كەتۋگە ارىزدانعان كەزى دە بولدى»، - دەيدى مۇراجاي قورىنىڭ باس ساقتاۋشىسى ءاليا جومارتوۆا.

مۇندا زەتتەۋ جۇرگىزىلگەن ۋاقىتتا قابىرعا ساعاتى وزدىگىنە قۇلاپ تۇسكەن. مۇنداي جاعدايلار وندا ءجيى بولىپ تۇراتىنعا ۇقسايدى.

«مۇنىڭ مونتاج ەمەس ەكەنى بەلگىلى. ولار ۆيدەوعا مۇقيات تۇسىرسە، ءبىز ونىڭ انىق-قانىعىن زەرتتەيتىن بولامىز»، - دەيدى IT- سپەتسياليست ەۆگەني شۋلتايس.

مۇراجاي قىزمەتكەرلەرى بۇدان بولەك عيمارات ءىشىن ەلەستەردىڭ كەزىپ جۇرەتىنىن ايتادى.

الايدا، بۇعان سەنبەگەندەر مۇراجاي قىزمەتكەرلەرىنىڭ وزدەرىنە ادام تارتۋ ءۇشىن وسىلاي ويدان شىعارىلعان اڭگىمە ايتاتىندارىنا سەنىمدى.