بىشكەكتە لاڭكەستەرمەن بايلانىستا بولعان قازاقستاندىق ۇستالدى

بىشكەك. قازاقپارات - قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ قىزمەتكەرلەرى حالىقارالىق لاڭكەستىك ۇيىمداردىڭ (ح ل ۇ) بىرىنە قاتىسى بار قازاقستان ازاماتىن ۇستادى.

بۇل تۋرالى قىرعىز رەسپۋبليكاسى م ۇ ق ك باسپا ءسوز قىزمەتى حابارلادى.

«2016-جىلى 2- قىركۇيەكتە بىشكەك قالاسىندا ق ر م ۇ ق ك ورگاندارى كونترتەرروريستىك شارالار وتكىزۋ اياسىندا قىرعىزستانعا كەلگەن قازاقستان ازاماتى -1988-جىلى تۋعان مامەدوۆ شامو رزايەۆيچتىڭ حالىقارالىق لاڭكەستىك ۇيىم مۇشەسى ەكەنى انىقتالدى جانە ۇستالدى»، - دەلىنگەن حابارلامادا.

جەدەل-ىزدەستىرۋ شارالارى ناتيجەسىندە ش. مامەدوۆتىڭ قىرعىزستاندا ح ل ۇ كوشباسشىسىنان تاپسىرما كۇتىپ جۇرگەنى انىقتالدى. سونىمەن بىرگە، ش. مامەدوۆ قىرعىزستان اۋماعىندا ءجۇرىپ، سيرياداعى سوعىس ايماعىنا سودىرلار جىبەرۋ مىندەتىن ورىنداعان.

كۇدىكتىگە قاتىستى ق ر م ۇ ق ك قىرعىز رەسپۋبليكاسى ق ك 346-بابى، 1-ءبولىمى جانە 350-بابى، 2-بولىمىندە قاراستىرىلعان قىلمىس بەلگىلەرى بويىنشا قىلمىستىق ءىس قوزعادى. كۇدىكتى قاماۋعا الىندى. تەرگەۋ امالدارى جۇرگىزىلىپ جاتىر.