جارتاستا ەتپەتىنەن جاتقان تامارا اسار تىڭدارماندارىن ۇرەيلەندىردى - فوتو
ماعىنالى اندەرىمەن عانا ەمەس، سوڭعى كەزدەرى ءماندى ويلارىمەن دە تانىلىپ جۇرگەن تامارا اساردىڭ تاعى ءبىر شىعارماشىلىق «شابىتى» قولدانۋشىلار نازارىنا ۇسىنىلدى. ول جەلىدەگى پاراقشاسىنا «جارتاسقا جابىسىپ جاتقان» سۋرەتىن جاريالاپ، وسىعان قاتىستى ءوزى «تومي شيماي» دەپ اتايتىن ويلارىن ءبولىستى.
«الاي-دۇلەي داۋىل تۇرىپ، قاتتى تولقىن بۋىرقانعان ساتتە، تەڭىزدىڭ ءاربىر الىبى مەن مايشاباعى ءوز ءومىرى ءۇشىن كۇرەسە باستايدى. سول تەڭىزبەن كۇش سىناسار ساتتە ءالىم قۇرىپ، بويىمنان كۇش، سانامنان ەس كەتكەندە، جۇرەگىممەن جاراتقانعا سەنىم ارتسام عانا، اشۋلى تولقىن ءوزى-اق الديلەپ جاعاداعى جارتاسقا اكەلىپ تاستاۋى ابدەن مۇمكىن ەكەنىن ءتۇسىندىم... كوزىمدى اشسام جاپ-جارىق تاڭ، تەڭىز تىپ-تىنىق، شاعالانىڭ شاڭقىلى، اققۋلاردىڭ قالقۋى. كەشەگىنىڭ ءبارى كورگەن تۇستەي، سانادا سىز، سۋدا ءىز قالماپتى... «اققۋ ارمان». قايىرلى تاڭ دوستارىم!!! اناۋ جاعاداعى جارتاسقا جابىسىپ جاتقان مەن... ماڭعىستاۋ. كاسپي»، - دەپ جازدى ول.
بۇل سۋرەت كاسپي تەڭىزىنىڭ جاعاسىندا تۇسىرىلگەن بەينەباياننان ءۇزىندى بولۋى مۇمكىن. ونىڭ بۇل سۋرەتىن كورىپ، جازباسىن وقىعان قولدانۋشىلار ەكى ۇداي كۇي كەشتى. قولدانۋشىلار تامارانىڭ ناعىز شىعارماشىلىق ادامى ەكەنىن ايتىپ، وعان دەگەن سۇيىسپەنشىلىكتەرىن ءبىلدىرىپ جاتتى. ولار تابيعات پەن تامارا ءوزارا ۇيلەسىمدى ەكەنىن دە جەتكىزدى.
دەگەنمەن، تامارا اساردىڭ بۇل «جاتىسىنا» ۇرەيلەنە قاراعاندار دا تابىلدى.
«تامارا حانىم، سوندا كليپىڭىزدە توي كويلەكپەن تەڭىزگە قۇلاپ كەتكەنسىز بە، قالاي تۇسىنبەدىم؟»، «كليپ بولسا دا، جۇرەككە ۇرەي مەن قورقىنىش ۇيالايدى ەكەن. مىناۋ جاتىستىڭ ءوزى قورقىنىشتى. ارتىقتاۋ كەتسەم كەشىرىم سۇرايمىن. ءبىراق، ءسىزدىڭ ونەرىڭىزگە باس يەتىن تىڭداۋشىڭىزبىن»، «قورقىنىشتى جەردە جاتىرسىز عوي. قايدان تاۋىپ ءتۇستىڭىز»، - دەپ جازدى ولار.
