وزگەنىڭ بەت تەرىسى تىگىلگەن الەمدەگى تۇڭعىش ايەل فرانسيادا كوز جۇمدى
دينۋار 2005-جىلى يتىنە تالانىپ، جارتى بەتىنەن ايىرىلعان بولاتىن. ءبىر جىلعا جەتپەي ول بەتىنە وزگەنىڭ تەرىسى سالىنىپ، العاش پلاستيكالىق وتا جاساتقان ايەل رەتىندە الەمگە تانىلدى. وتا امەنە اۋرۋحاناسىندا جۇرگىزىلدى.
«ۆيكيپەديادا» جازىلعان مالىمەتكە سايكەس، دينۋارعا بەت تەرىسى جانە مۇرىن مەن اۋىز تىندەرى توسەك تارتىپ، ميى ءولدى دەپ دياگنوز قويىلعان باسقا ايەلدەن الماستىرىلىپ سالىنعان.
«يزابەلدىڭ سۇيگەنى» (Isabelle's Kiss) اتتى كىتابىندا رەتسيپيەنت كەلىنشەك حيرۋرگتەردىڭ ارقاسىندا تاماق ءىشىپ، سويلەپ، ءتىپتى، جىميۋ قابىلەتىنە دە يە بولعانىن تولعانىپ جازادى.
ون جىلدان سوڭ، وتكەن قىستا دينۋاردىڭ اعزاسى الماستىرىلىپ سالىنعان تەرىنى قابىلداماي، جاعدايى ناشارلاي ءتۇستى. سالدارىنان ونىڭ ەرنى تومەن سالبىراپ، دۇرىس سويلەۋ قابىلەتىنەن ايىرىلدى. ءتۇرلى پرەپاراتتارمەن ەمدەۋ كەزىندە كەلىنشەك ەكى ءتۇرلى ونكولوگيالىق اۋرۋعا شالدىقتى.
The Local سىلتەگەن Le Figaro-نىڭ مالىمەتىنشە، دينۋار اۋىر دەرتىنەن ايىقپاي، وسى جىلدىڭ جازىندا قايتىس بولعان.
