رەسەي اسكەري ۇشاقتارى اۋە كەڭىستىگىمىزدى تاعى بۇزدى

استانا. قازاقپارات - ەستونيا اسكەري قولباسشىلىعى رەسەي اسكەري ۇشاقتارىنىڭ بالتىق تەڭىزىنىڭ ۇستىندە اۋە كەڭىستىگىن بيىلدىققا وسىمەن ءتورتىنشى رەت بۇزعانىن حابارلادى.

بۇل تۋرالى رەسمي مالىمدەمەدە ان-72 ۇشاعى ەستونيانىڭ اۋە كەڭىستىگىنە ۆايندلو ارالى اۋماعىنا رۇقساتسىز ەنىپ، 90 سەكۋندتاي بولعانى ايتىلادى. ەكيپاج ۇشۋلاردى باسقارۋ ورتالىعىمەن بايلانىسپاي، اۋە كەڭىستىگىنەن 2 كيلومەتردەي ىشكەرىلەي ەنگەن.

رەسەي قورعانىس مينيسترلىگىنىڭ وكىلى يگور كوناشەنكوۆ جۋرناليستەرگە رەسەيلىك ۇشاقتار «ۆايندلو ارالى اۋماعىندا ەستونيا شەكاراسىن بۇزباعانىن» مالىمدەدى. ول رەسەيلىك ان-72 اتالعان اۋداندا ۇشپاعانىن ايتتى. رەسەيدىڭ ەستونياداعى ەلشىلىگى ەستون بيلىگى ەلشىگە نارازىلىق نوتاسىن تاپسىرعانىن حابارلادى.

بيىل ناتو- نىڭ بىرنەشە مەملەكەتى رەسەي اسكەري ۇشاقتارىنىڭ ءوز اۋە كەڭىستىگىن بۇزعانىن مالىمدەگەن. وتكەن جىلدىڭ سوڭىندا تۇركيا ەلدىڭ اۋە كەڭىستىگىنە رۇقساتسىز ەنىپ كەتتى دەپ رەسەي اسكەري ۇشاعىن اتىپ تۇسىرگەن. انكارا اۋە كەڭىستىگىن بۇزۋ وقيعالارى بىرنەشە رەت قايتالانعانىن جانە ونىڭ ىقتيمال سالدارى تۋرالى ماسكەۋگە ەسكەرتىلگەنىن مالىمدەگەن.

«ازاتتىق» جاڭالىقتارى