11:20, 07 - قىركۇيەك 2016 | GMT +5
قىرعىزستان مەن قازاقستان كوكپارشىلارى فينالعا شىقتى
استانا. قازاقپارات - دۇنيەجۇزىلىك كوشپەلىلەر ويىندارىندا قىرعىزستان مەن قازاقستان كوكپارشىلارىنىڭ قۇراماسى اقتىق سايىستا كەزدەسەدى.
بۇل تۋرالى كيرتاگ قىرعىز رەسپۋبليكاسى دەنە شىنىقتىرۋ جانە سپورت اگەنتتىگىنىڭ باسپا ءسوز قىزمەتىنە سىلتەمە جاساپ حابارلادى.
«8 - قىركۇيەكتە چولپون اتا يپپودرومىندا كوكپاردان فينالدىق سايىس وتەدى. قىرعىزستان مەن قازاقستان قۇرامالارى ءبىرىنشى ورىن ءۇشىن سايىسادى. ال 7 - قىركۇيەكتە قىتاي مەن باشقۇرتستان ويىنشىلارى قولا مەدالعا تالاسادى» ، دەپ حابارلادى اگەنتتىكتەن.
