بىشكەكتەگى ق ح ر ەلشىلىگىنە جاسالعان شابۋىلدى ۇيىمداستىرۋشىلار مەن ورىنداۋشىلار بەلگىلى بولدى
تەرگەۋ مالىمەتتەرىنە سايكەس، لاڭكەستىككە سيرياداعى «دجابحات ان نۋسرا» لاڭكەستىك ۇيىمىمەن بايلانىسى بار ۇيعىر لاڭكەستىك توبى تاپسىرىس بەرگەن. ولاردىڭ باسشىلارى «دجاماات تاۋحيد ۆا دجيحاد» «ابۋ سالوح» حالىقارالىق ۇيىمىنىڭ باسشىسى (قىرعىزستاننىڭ كاشكار- كىشتاك اۋىلىندا 1990 -جىلى دۇنيەگە كەلگەن سيروجيددين مۋحتاروۆ) ارقىلى ورىنداۋشىلارعا قىرعىزستانداعى قىتاي ەلشىلىگىنە لاڭكەستىك شاراسىن ۇيىمداستىرۋدى تاپسىرىپ، ونى قارجىلاندىرعان.
س. مۋحتاروۆ ءوزىنىڭ قىلمىستىق ارەكەتتەرىنىڭ ۇيلەستىرۋشىسى رەتىندە تۇركياداعى «دجاماات تاۋحيد ۆا دجيحاد» ۇيىمىنىڭ مۇشەسى بۋرحانيدين جانتورايەۆتى (قىرعىزستان، جالال- اباد وبلىسى سوزاق اۋدانىنىڭ تۋماسى. 1971 -جىلى دۇنيەگە كەلگەن، لاقاپ اتى «ابۋ احماد» ) تارتقان.
6 - قىركۇيەكتە اتالعان قىلمىسقا قاتىسى بار ادامدار انىقتالدى. ولار: سيرياداعى «شىعىس تۇركىستان يسلام قوزعالىسىنىڭ» مۇشەسى، تاجىكستان ازاماتتىعىن دالەلدەيتىن ءتولقۇجاتى بار زوير حاليلوۆ ەسىمدى جانكەشتى مەن بۇگىندە ىزدەۋ جاريالانعان سيريادا لاڭكەستىك دايىندىعىنان وتكەن، ۇلتى وزبەك وش قالاسىندا دۇنيەگە كەلگەن يززوتيللو ساتتىبايەۆ (لاقاپ اتى «الي» ).
بۇعان قوسا، تۇركيادا «ادال- تۋر» وكىلى دە ىزدەستىرىلۋدە. ول ىستامبۇلدان لاڭكەستىكتى قارجىلاندىرۋ ماسەلەلەرىن ۇيلەستىرگەن. جەدەل اقپاراتتارعا سايكەس، لاڭكەستىككە قاتىسى بار ءارى ونى ۇيىمداستىرۋى مۇمكىن قىرعىز ازاماتى يلياس سابيروۆ ىستامبۇل قالاسىندا ءجۇر.
لاڭكەستىككە قاتىسى بار 5 ادام ۇستالىپ، قىرعىز مەملەكەتتىك ۇلتتىق قاۋىپسىزدىك كوميتەتىنىڭ ۋاقىتشا وقشاۋلاعىشىنا قامالدى.
اۆتور: مارلان جيەمباي
