قازاقستاندىق تەپلوۆوز تاجىكستاننىڭ جاڭا تەمىرجولىندا تۇڭعىش پويىزدى سۇيرەدى
بۇل تۋرالى «ق ت ج» ۇ ك» ا ق باسپا ءسوز قىزمەتى حابارلادى.
تاجىكستانداعى جاڭا تەمىرجول جەلىسى بيىلعى جىلعى تامىزدىڭ سوڭىندا پايدالانۋعا بەرىلگەن بولاتىن. ول ەلدىڭ وڭتۇستىگىن استاناسىمەن جالعايدى. جاڭا قۇرىلىس نىسانىن پايدالانۋعا بەرۋ بارىسىندا ءۇش توننەل مەن سوڭعى ۇلگىدەگى سەگىز كوپىر تۇرعىزىلدى.
«2012 -جىلدان بەرى تاجىك تەمىرجولشىلارى ءبىزدىڭ ءتورت لوكوموتيۆتى تابىستى پايدالانىپ كەلەدى. جىل باسىندا «قازاقستان تەمىر جولى» ۇ ك» ا ق مەن «روحي وحاني توچيكيستون» م ۋ ك اراسىندا تاجىكستانعا «Evolution» سەرياسىنداعى ەكى تەپلوۆوزدى جەتكىزۋ تۋرالى كەلىسىم شارتى جاسالدى. وسى كەلىسىمگە وراي، قازىرگى كەزدە ءبىر تەپلوۆوزدى جەتكىزدىك»، - دەيدى «لوكوموتيۆ قۇراستىرۋ زاۋىتى» ا ق تەحنيكالىق ماسەلەلەر جونىندەگى ۆيتسە- پرەزيدەنتتىڭ قىزمەتىن اتقارۋشى ۆيكتور پەرمينوۆ.
تاجىكستاندىق ساراپشىلاردىڭ پايىمداۋىنشا، جاڭا تەحنولوگياعا نەگىزدەلگەن قازاقستاندىق تەپلوۆوزدار وندىرىستىك كورسەتكىشتىڭ ۇزدىك ۇلگىسىن تانىتۋدا.
قازاقستاندىق ءونىم تاجىكستاندا №1 دارەجەگە يە.
