وڭتۇستىك قازاقستاندا كوك سۋىردىڭ ەرەكشە ءتۇرى تابىلدى
دەپ جازادى 24.kz.
سۇتقورەكتى تىشقانداردىڭ بۇل ءتۇرى قىزىل كىتاپقا ەنگەن. تابيعات ساقشىلارى تيىن تۇقىمداس باۋىرمەن جورعالاۋشىلاردىڭ 11 باسىن ساناپتى. جەرگىلىكتى تۇرعىندار بولسا اق سۋىردى 70- جىلداردان كەيىن كورمەگەنىن ايتادى. اق ءتۇستى سۋىردى اڭشىلار كيەلى ساناپ اتپايدى جانە وعان تۇزاق تا قۇرمايدى. جالپى ۇلتتىق پارك اۋماعىندا، كوك سۋىردىڭ سانى 13 مىڭنان اسقان.
باحىت مۇساليەۆ، وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باس مامانى:
- ادەبيەتتە ەشقانداي عىلىمي جۇمىستا اق سۋىر جايلى اقپارات جوق. اق سۋىردىڭ نەگىزى ءبىر اق كالونناسى بار. نەگىزى سول اقمەشىتتىڭ بويىندا مەكەندەيدى. بۇلار ءبىر تۇرگە جاتادى. ءبىراق سول كوك سۋىردىڭ ىشىندە البينوستارى پايدا بولعان اق ءتۇرى. اق ءتۇرى الىستان انىق كورىنەدى. بىردەن بايقالادى. سالماعى ءىس- قيمىلى ءبارى كوك سۋىرعا كەلەدى. ءبىراق ءتۇسى اق بولىپ تۇر.
