لوندون سيتي اۋەجايىندا بارلىق رەيستەر كەيىنگە شەگەرىلدى
استانا. قازاقپارات - ۇلى بريتانيا استاناسىنداعى لوندون سيتي اۋەجايىندا بارلىق رەيستەر كەيىنگە شەگەردى، دەپ حابارلايدى 24.kz تەلەارناسى.
بۇعان «قاراناسىلدىلەردىڭ ءومىرى ماڭىزدى» قوزعالىسى بەلسەندىلەرىنىڭ نارازىلىعى سەبەپ. ەرەۋىلشىلەر اۋەجايداعى جالعىز ۇشاقتاردىڭ ۇشىپ- قونۋ جولاعىن باسىپ العان. وقيعا ورنىنا پوليتسەيلەر كەلدى. 9 شەرۋشى اۋەجاي اۋماعىندا ءبىرىن- ءبىرى كىسەندەپ، كەتۋدەن باس تارتقان.
سونىمەن بىرگە، «British airways» اۋە كومپانياسىنىڭ كومپيۋتەر جۇيەلەرىنەن اقاۋ شىقتى. وسىعان بايلانىستى لوندون مەن ا ق ش اۋماعىنداعى اۋەجايلاردىڭ جۇمىسىندا كەدەرگى تۋىنداعان. كومپانيا رەيستەردىڭ بوگەلگەنى ءۇشىن كەشىرىم سۇرادى.
ەستەرىڭىزگە سالا كەتەيىك، قارا ناسىلدىلەردىڭ قوزعالىسى 2013 - جىلى امەريكانىڭ كاليفورنيا شتاتىندا پوليتسەيلەردىڭ ارەكەتىنە قارسىلىق رەتىندە قۇرىلعان. لوندون سيتي - نەگىزىنەن قالانىڭ ىسكەر اۋداندارىنا قىزمەت كورسەتۋگە ارنالعان شاعىن اۋەجاي. وندا ءبىر عانا ۇشىپ- قونۋ جولاعى بار.
