الماتى كۇنىنە وراي قازاقستانداعى ەڭ كوپ ادام قاتىساتىن ۆەلوشەرۋ وتكىزىلمەك
بۇل تۋرالى قالالىق سپورت باسقارماسىنىڭ باسپا ءسوز قىزمەتى حابارلاپ وتىر.
سالاۋاتتى ءومىر سالتىن سۇيەتىن قالا تۇرعىندارىنا بۇل كۇنى قۇندى سىيلىقتار تابىس ەتىلەدى. ال ەڭ باستى سىيلىق ەۆروپا ەلدەرىنە بەرىلەتىن ەكى ادامعا ارنالعان جولداما بولماق. سونىمەن قاتار، ۆەلوسيپەد ساتىپ الۋعا ارنالعان سەرتيفيكاتتار مەن قالاداعى مەيرامحانالاردىڭ بىرىنەن تەگىن كەشكى اس جولداماسى دا قاراستىرىلعان.
بۇل كۇنى قالا تۇرعىندارى جانە قوناقتارىمەن قاتار ەرماحان ىبىرايىموۆ، دميتري بالاندين، رۋسلان ءابدىرازاقوۆ، داريعا شاكىموۆا، نازىم قىزايباي سەكىلدى سپورت ساڭلاقتارى دا ۆەلوسيپەدكە وتىرماق. ال مارەگە جەتكەن سوڭ، ەسترادا جۇلدىزدارى ەرەكشە كونسەرتتىك باعدارلاما تارتۋ ەتەدى.
ۆەلوشەرۋگە قاتىسۋشىلار ساعات 8:30 دا «نۇرلى تاۋ» بيزنەس-ورتالىعىنىڭ قاسىنا جينالۋى ءتيىس. اتالمىش عيمارات ءال-فارابي داڭعىلى مەن جەلتوقسان كوشەلەرىنىڭ قيىلىسىندا ورنالاسقان.
