بىشكەك قالاسى ماڭىندا تەرروريستى جويدى

بىشكەك. قازاقپارات - بىشكەك قالاسى ماڭىندا حالىقارالىق لاڭكەستىك ۇيىمى مۇشەسىنىڭ كوزى جويىلدى، دەپ حابارلادى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ (ۇ ق م ك) باسپا ءسوز قىزمەتى.

اتاپ وتىلگەندەي، بىشكەك ماڭىندا 2016-جىلعى 29- تامىزدا قىرعىز رەسپۋبليكاسىنىڭ ۇلتتىق قاۋىپسىزدىك ورگاندارى لاڭكەستىككە قارسى شارالار بارىسىندا 1977-جىلى تۋىلعان، «ا. ح» حالىقارالىق تەرروريستىك ۇيىمىنىڭ جاسىرىن ۇياسى مۇشەسىن انىقتادى.

ارنايى وپەراتسيا بارىسىندا ول ق ر ۇ ق م ك قىزمەتكەرلەرىنە بەلسەندى قارۋلى قارسىلىق كورسەتتى. اتىس بارىسىندا ونىڭ كوزى جويىلدى.

لاڭكەستى ءتىنتۋ بارىسىندا ودان «سايگا» كارابينى، قولدان جاسالعان جارىلعىش قۇرىلعى، كوپتەگەن وق-دارىلەر تابىلىپ، تاركىلەندى.

ق ر ۇ ق م ك ورگاندارى قىلمىستىق ءىس قوزعادى. ءتيىستى تەرگەۋ-جەدەل شارالارى جۇرگىزىلۋدە.