الەۋمەتتىك جەلىدەگى «ميلليونەر» جۇلدىزدار - فوتو
ءبىراق، قازىرگى تەحنولوگيالار داۋىرىندە ولاردىڭ تانىمالدىلىعىن ارتتىرۋ ءۇشىن تەلەديدار مەن راديو ازدىق ەتەدى. قازىرگى تاڭدا، «جۇلدىزداردى» ايگىلەندىرەتىن الەۋمەتتىك جەلىلەر دەپ اتالاتىن «سيقىرلى قۇرالدار» بولىپ وتىر.
وقىرمانداردىڭ سانى نەعۇرلىم كوپ بولسا، تانىمالدىلىعىڭ دا ارتا تۇسپەك. Instagram الەۋمەتتىك جەلىسىندەگى «ميلليونەر» جۇلدىزداردى comode.kz پورتالى ۇسىنىپ وتىر.
بايان ەسەنتايەۆا
كوش باسىندا تانىمال پروديۋسەر بايان ەسەنتايەۆا تۇر. ونىڭ Instagram جەلىسىندەگى وقىرماندارىنىڭ سانى 1,8 ميلليونعا جەتكەن. سوندىقتان بولار، باياننىڭ ءجۇرىس-تۇرىسى ەلگە ءمالىم بولىپ وتىرادى. ول ءوز پاراقشاسىندا بالالارىنىڭ سۋرەتتەرىمەن ءبولىسىپ، بەتتى كۇتۋ تۋرالى كەڭەستەرىن ايتادى. سونىمەن بىرگە، ول «كەشيۋ»، «الاۋ»، «لاشىن» سەكىلدى قاراماعىنداعى توپتاردىڭ شىعارماشىلىعى تۋرالى دا جەلىدە ءجيى ءسوز قوزعايدى.
اشا ماتاي
بايان ەسەنتايەۆانىڭ جيەنى دە اپكەسىنەن قالار ەمەس. ونى جەلىدە 1,5 ميلليون ادام وقيدى ەكەن. تانىمال اكتريسا جەلىگە ءوز سۋرەتتەرىن سالعاندى ۇناتادى. ال سوڭعى ۋاقىتتا ونىڭ جۇكتىلىگى جونىندە دە ءتۇرلى اڭگىمەلەر ايتىلا باستادى. قولدانۋشىلار اشانىڭ ومىرگە اكەلەتىن ءسابيىنىڭ جىنىسىن انىقتاپ الەك.
قايرات نۇرتاس
قايرات نۇرتاستىڭ ماتەريالدىق تابىسى باياعىدا-اق ميللوننان اسىپ كەتكەن. ال قازىر ول جەلىدەگى «ميلليونەر» قۇرمەتىنە لايىق. ونى جەلىدە 1,4 ميلليون ادام وقيدى ەكەن. قايراتتىڭ جازبالارى قولدانۋشىلاردىڭ كوڭىلىن كوتەرەدى. ول قانداي دا ءبىر داۋ-دامايلاردان اۋلاق جۇرەدى. سوندىقتان، قولدانۋشىلار وعان جاعىمدى پىكىرلەردى كوپ جازادى.
ايدانا مەدەنوۆا
تانىمال پروديۋسەرىنەن كەتكەن ايدانانىڭ ودان كەيىنگى ءومىرى دە ءساتتى بولدى. بايان ەسەنتايەۆانىڭ قاراماعىنان كەتكەن سوڭ ءانشى جەكە سۇلۋلىق سالونىن اشىپ، انا اتانىپ، جەكە ونەر كورسەتە باستادى. تۇلعا رەتىندە وعان دەگەن قىزىعۋشىلىق تا ارتا تۇسكەندەي. وعان دالەل - 1,3 ميلليون وقىرمانى.
ەركە ەسماحان
بۇل دا باياننىڭ «تاربيەسىن» كورگەن انشىلەردىڭ ءبىرى. باياننىڭ ءوزى ەركەگە باسقالارىنا قاراعاندا اسا كوڭىل بولمەيتىنىن ايتىپ قالعان بولاتىن. الايدا، بۇدان ونىڭ جەلىدەگى وقىرماندارى ارتپاسا، كەمىگەن جوق. ونىڭ يەلىگىندە - 1,2 ميلليون ادام بار. ەركە ءوزىنىڭ ميلليونىنشى وقىرمانىنا كويلەك سىيعا تارتام دەپ ۋادە ەتكەن بولاتىن. ءبىراق ول وقىرماندارىنىڭ سانىنان جاڭىلىپ قالىپ، ەكى بىردەي وقىرمانعا كويلەك تارتۋ ەتتى.
ايقىن تولەپبەرگەن
Instagram جەلىسىن ىلگەرىلەتۋمەن اينالىساتىن ماماندار ءازىل ارالاسقان جازبالاردى كوپتەپ جازۋعا كەڭەس بەرەدى. ايقىن - سونىڭ دالەلى. ايقىن جەلىدە كوپ ازىلدەپ، تىڭدارماندارىن كۇلدىرىپ وتىرعاندى ۇناتادى. ەسەسىنە، ونى 1,2 ميلليون ادام جاقسى كورەدى.
كامشات جولدىبايەۆا
كامشاتتىڭ وقىرماندارىنىڭ جولى بولدى. سەبەبى، ءانشى ءار جازباسىنا سالماقتىلىقپەن قارايدى. ول پاراقشاسىندا ءتۇرلى كەڭەستەر ايتىپ، سوڭعى جاڭالىقتارمەن ءبولىسىپ وتىرادى. ول شاشقا ارنالعان مەزوتەراپيا، RF- ليفتينگ، بەتتى تازارتۋ سەكىلدى beauty-تاسىلدەر تۋرالى ۆيدەولاردى كوپ سالادى.
ءمادينا ءسادۋاقاسوۆا
حالىقتىڭ ەركەسى ءمادينا ميلليونىنشى وقىرمان جازىلعان كەزدە ونى ايرىقشا ىلتيپاتپەن قارسى الدى. «مەنىمەن بىرگە ميلليون ادام. ميلليون جۇرەك. بۇل - ۇلكەن باقىت!»، - دەپ ءبولىستى قۋانىشىمەن ءانشى. مۇنداي وقيعانىڭ قۇرمەتىنە ول دينارا ەسىمدى وقىرمانىنا ونىڭ سۋرەتى سالىنعان تورت تا سىيلادى.
قاراقات ءابىلدينا
ءانشى قاراقاتتىڭ كۇيەۋىنە ايرىقشا سىي تارتۋ ەتەمىن دەپ باسى داۋعا ىلىككەنى ءبارىنىڭ ەسىندە. ءانشى كۇيەۋى قىدىرالىگە «توقال» الىپ بەرۋگە ۋادە بەردى. ءبىراق، كەيىن ول ءسوزىنىڭ ءازىل ەكەنىن ايتتى. ونىڭ 1,2 ميلليون وقىرمانى وسى وقيعالاردىڭ بارلىعىنا كۋاگەر بولدى.
ساكەن مايعازيەۆ
ساكەن مايعازيەۆ ءوزىنىڭ بەلسەندى ازاماتتىق كوزقاراسى ارقىلى تانىمال. البەتتە، انشىلىگى ءبىرىنشى ورىندا. قوعامدا بولىپ جاتقان كەز كەلگەن وقيعاعا ول ءوز ءۇنىن قوسىپ وتىرادى. جەر ماسەلەسى دە، گەي-كلۋبتىڭ اشىلۋى دا ونىڭ نازارىنان تىس قالمادى. ول ءوز پاراقشاسىندا ءوز ويىن اشىق بىلدىرەدى. سوندىقتان، ونىڭ جازىلۋشىلارىنىڭ سانى ميللوننان اسىپ كەتكەنى دە عاجاپ ەمەس.
