باقىتبەك ەسەنتايەۆتىڭ سوتى وتەتىن كۇن بەلگىلەندى
بۇل تۋرالى Tengrinews.kz تىلشىسىنە الماتى وبلىستىق سوتىنىڭ باسپا ءسوز قىزمەتىندەگىلەر حابارلادى.
ءىس الماتى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ وندىرىسىنە الىندى. «سوت وتىرىسى قاسكەلەڭدەگى قاراساي اۋداندىق سوتىنىڭ عيماراتىندا وتەدى. ءىستى الماتى وبلىستىق قىلمىستىق ىستەر جونىندەگى اۋدانارالىق سوتىنىڭ سۋدياسى ءلاززات ءىلياسوۆا قارايدى»، - دەپ حابارلادى باسپا ءسوز قىزمەتىندەگىلەر.
ەسەنتايەۆتىڭ ءىسى سوتقا 24-باپتىڭ 3-بولىگى، 99-باپتىڭ 2-بولىگىنىڭ 10-پۋنكتى، 120-باپتىڭ 1-بولىگى، 121-باپتىڭ 1-بولىگى بويىنشا بەرىلگەنى بەلگىلى.
ەسكە سالايىق، بايان ەسەنتايەۆا 10- ماۋسىمدا اۋىر جاعدايدا تالعارداعى اۋرۋحاناعا تۇسكەن بولاتىن. تەرگەۋدىڭ مالىمەتىنشە، ونى كۇيەۋى باقىتبەك ەسەنتايەۆ اياۋسىز ۇرىپ سوعىپ، بىرنەشە رەت پىشاقتاعان. بۇل وقيعا ەڭبەكشى اۋىلىنىڭ ماڭىندا قۇلجا تاس جولىندا بولعان.
ەر ادام ۇستالىپ، تالعار اۋداندىق ىشكى ىستەر باسقارماسىنا جەتكىزىلدى. كەيىن ءى ءى ب وكىلدەرى مەديتسينالىق كۋالاندىرۋ قورىتىندىسى بويىنشا باقىتبەك ەسەنتايەۆتىڭ ماس بولعانىن ايتتى. ول ءوز كىناسىن مويىنداپ وتىر ەكەن. ءىس «ادام ولتىرۋگە وقتالۋ» بابى بويىنشا تەرگەلىپ جاتىر. ەسەنتايەۆا اۋرۋحانادا 10 كۇن بولدى، ءبىراق ۇيىنە شىققاننان كەيىن دە امبۋلاتور تارتىبىندە ەم الدى.
