قىتاي ۇلكەن پاندالاردى «جويىلۋ قاۋپى بار» تىزىمنەن شىعارۋ ەرتە دەپ ەسەپتەيدى

استانا. قازاقپارات - قىتاي شەتەلدىك ەكولوگتاردىڭ ۇلكەن پاندانى قىزىل كىتاپتاعى «جويىلۋ قاۋپى بار» تۇردەن «از» تۇرىنە اۋىستىرۋىنا ءالى ەرتە ەكەنىن ايتتى.

دۇيسەنبى كۇنى ق ح ر ورمان شارۋاشىلىعى مەملەكەتتىك باسقارماسى وسىنداي مالىمدەمە جاسادى، دەپ حابارلايدى شينحۋا اگەنتتىگى.

حالىقارالىق تابيعاتتى قورعاۋ جانە تابيعي رەسۋرستار ۇيىمى جۋىردا ۇلكەن پاندانى قىزىل كىتاپتاعى «جويىلۋ قاۋپى بار» تىزىمنەن شىعارۋ تۋرالى ۇسىنىس جاساعان بولاتىن.

 «ەگەر ءبىز ۇلكەن پاندالاردى قورعاۋعا كۇش سالۋدى ازايتساق، ءبىزدىڭ وسى كۇنگە دەيىن جاساعان ەڭبەگىمىز ەش بولادى»، - دەدى ق ح ر ورمان شارۋاشىلىعى مەملەكەتتىك باسقارماسىنىڭ ماماندارى.

جىلدار بويى قىتاي ۇلكەن پاندالاردى قورعاۋ بويىنشا بىرنەشە باستامالاردى جۇزەگە اسىردى، قورىقتار قۇردى. 2015 -جىلدىڭ سوڭىنا قاراي بۇل جانۋار ءتۇرىنىڭ 1864 وكىلى جابايى تابيعاتتا ءومىر سۇرەتىنى انىقتالدى. بۇل 2000 -جىلمەن سالىستىرعاندا 800-گە كوپ. توردا ءومىر سۇرەتىن تاعى 422 پانداعا كۇتىم كورسەتىلۋدە.