14:07, 06 - قىركۇيەك 2016 | GMT +5
امەريكالىق لاينەر العاش رەت تۋريستەرمەن اركتيكاعا ساياحاتقا اتتاندى
استانا. قازاقپارات - امەريكالىق لاينەر تاريحتا العاش رەت اركتيكاعا ساياحاتقا اتتاندى. 13 پالۋبادان تۇراتىن كەمە سولتۇستىك پوليۋس ايماققا ساپارىن ا ق ش- تىڭ انكوريدج قالاسىنان باستادى.
بيلەت قۇنى 20 مىڭ دوللاردان باستالعان. الايدا بۇل سوماعا تىكۇشاقپەن قىدىرۋ قۇنى كىرمەيدى. باعاسى ۋداي بولسا دا بارلىق بيلەتتەر جىلدام ساتىلىپ كەتكەن. لاينەردە 1100 جولاۋشى مەن 600 ەكيپاج مۇشەسى بار. ولاردىڭ ساپارى 17 - قىركۇيەكتە نيۋ- يوركتە اياقتالۋى ءتيىس. تۋريستەردىڭ قىزىعۋشىلىعى زور بولعان سوڭ، جاۋاپتى كومپانيا ەكىنشى ساياحاتتى جوسپارلاۋعا كىرىسىپ كەتتى. بيىل اركتيكاداعى مۇزدىقتار رەكوردتى دەڭگەيدە ەرىپ، ادام ءۇشىن ەشقاشان قولجەتىمدى بولماعان ايماققا جول اشىلعان.
www.24.kz
