تانىمال كومپانيالاردىڭ ەڭ العاشقى اۆتوكولىكتەرى - فوتو

استانا. قازاقپارات - اۆتوكولىك ءوندىرىسى ⅩⅩ عاسىردا زور قارقىنمەن دامىدى. قازىرگى تانىمال كومپانيالار دا وسى ءبىر كەزەڭدە العاشقى اۆتوكولىكتەرىن قۇراستىرىپ، الەم نازارىنا ۇسىندى.

 ولاي بولسا اۆتوكولىك وندىرىسىندە ۇلكەن بەدەلگە يە كومپانيالاردىڭ العاشقى اۆتوكولىكتەرىمەن تانىس بولا وتىرىڭىزدار.

 Honda T360 .1963 
 

ۇلى وتان سوعىسىنان كەيىنگى كەزەڭدە قۇرىلعان كومپانيا العاشىندا كولىك بولشەكتەرىن، ۆەلوسيپەد، موتوتسيكل شىعاردى. 1960 -جىلدان كەيىن بارىپ قانا اۆتوكولىك شىعارۋعا دەن قويدى. العاشقى شىعارعان اۆتوكولىگى «Honda T360» جۇك تاسيتىن كولىگى بولدى.

 Peugeot Type 1. 1889

 

Peugeot كومپانياسى ەڭ ءبىرىنشى بۋ كومەگىمەن جۇرەتىن تريتسيكل شىعارعان. العاش رەت پاريجدەگى دۇنيەجۇزىلىك كورمەدە جۇرتشىلىققا تانىستىرعان. دەگەنمەن كومپانيا قانشا داناسىن شىعارعانى بەلگىسىز. بۇگىنگە دەيىن بىرەۋى عانا ساقتالىپتى.

 Ford Quadricycl.  1896

 

گەنري فورد العاشقى اۆتوكولىگىن ءوزىنىڭ كومپانياسى قۇرىلماي تۇرىپ جاساپ شىقتى. ول ساتۋعا بار بولعانى ءۇش «Ford Quadricycl» - ءىن عانا شىعاردى. كەيىننەن اراعا جىلدار سالىپ ءوزى شىعارعان كۆادراتسيكلدى ساتىپ الىپ، كومپانيا مۇراجايىنا قويدى.

 Toyota A1.1935

  جاپوندىق كومپانيا جاساعان العاشقى اۆتوكولىكتىڭ بىردە- بىرەۋى ساقتالماعان. بار بولعانى ۇشەۋ عانا شىعارعان. 1936 -جىلى «Toyota A1» اۆتوكولىگىنىڭ پروتوتيپى رەتىندە «Toyota aا» كولىگىن شىعارا باستادى.

 BMW 3/15s1927

 كومپانيا 1913 -جىلى «Rapp Motorenwerkە» دەگەن اتاۋمەن قۇرىلدى. 1927 -جىلعا دەيىن ۇشاق بولشەكتەرىن شىعاردى. وسى جىلى «BMW» «Fahrzeugfabrik Eisenach» كومپانياسىن ساتىپ الىپ، اۆتوكولىك وندىرىسىنە بەت بۇردى.

 Renault Type A .1898

 «Renault» كومپانياسىنىڭ العاشقى اۆتوكولىگى 1898-1903 -جىلدار ارالىعىندا شىعارىلدى. 290 داناسى جاسالعان. ونىڭ بۇگىنگە دەيىن بىرنەشەۋى عانا جەتكەن.

Chevrolet Series C Classic Six.  1913 

  «Chevrolet» كومپانياسى العاشقى اۆتوكولىگىن 1913 -جىلى شىعاردى. 5000 عا جۋىق داناسى ساتىلدى. بۇگىنگە دەيىن ەكەۋى عانا ساقتالعان.

 Opel Patentmotorwagen System Lutzmann .1899

  «Opel» كومپانياسىنىڭ العاشقى كولىكتەرى 1899-1902 -جىلدار ارالىعىندا شىقتى. 13 -جىل ىشىندە 65 داناسىن قۇراستىردى. ءبىراق ۇلكەن سۇرانىسقا يە بولعان جوق. ناتيجەسىندە 1903 -جىلدان باستاپ «Opel 9 PS» جاڭا نۇسقاسىن شىعارا باستادى.

 Hyundai Pony .1975  

«Hyunda» كومپانياسى قۇراستىرعان اۆتوكولىك العاشقى وڭتۇستىك كورەيالىق ءونىم. كومپانيا 1947 -جىلى قۇرىلىپ، 1975 -جىلعا دەيىن قۇرىلىس جانە اۋىر ونەركاسىپپەن اينالىستى.

massaget.kz