قازاقستاندىق جاماعات كىشى قاجىلىعىن وتەۋدە
قازاقستاننان دا بيىل بەس پارىزدىڭ ءبىرى - قاجىلىقتى وتەۋگە 3 مىڭ ادام اتتاندى، دەپ حابارلادى www.muslim.kz ق م د ب قاجىلىق ميسسياسىنىڭ اقپارات بولىمىنە سىلتەمە جاساپ.
جەر بەتىندەگى ءبىرىنشى مەشىتى قاعبانى ءتاۋ ەتىپ، قاسيەتتى جەرلەرگە دۇعا جاساۋعا كەلگەن مۇسىلمانداردا ەسەپ جوق. قازىر 3 ميلليوننان استام حالقى بار مەككە قالاسىندا ءومىر قايناپ جاتىر. الەمنىڭ ءار قيىرىنان كەلىپ جاتقان مۇسىلماندار قاعبانى ءتاۋاپ ەتىپ، كىشى قاجىلىعىن ورىنداعاننان كەيىن ۇلكەن قاجىلىققا دايىندالادى. ال، ۇلكەن قاجىلىق 8 - قىركۇيەكتە باستالادى.
«قازىر ەلىمىزدەن قاجىلىق پارىزىن وتەۋگە كەلگەن قاجىلار مەككە قالاسىنا جينالۋدا. ق م د ب قاجىلىق ميسسياسى قاجىلاردىڭ مەككەگە قاۋىپسىز جەتۋىن، قوناق ۇيلەرگە ورنالاسۋىن باقىلاۋدا. قاجىلىق كومپانيالارىنىڭ قىزمەت ساپاسىنا تەكسەرىس جۇرگىزىلىپ، قاجىلاردىڭ قاۋىپسىزدىگى دە قاداعالانۋدا»، - دەدى ق م د ب قاجىلىق ميسسياسىنىڭ جاۋاپتى وكىلى ءجاندىللا بەكجىگىتوۆ.
جىلداعى ءداستۇر بويىنشا ق م د ب قاجىلىق ميسسياسىنىڭ مۇشەلەرى - بىلىكتى، جوعارى ساناتتاعى دارىگەرلەر قاجىلارىمىزدىڭ دەنساۋلىعىن 24 ساعات بويى باقىلاسا، ءدىنتانۋشى- عالىمدار مەن تاجىريبەلى يمامدار ۇلى ساپاردا تۋىنداعان سۇراقتارعا جاۋاپ بەرىپ، ءدىني راسىمدەردىڭ دۇرىس اتقارىلۋىنا ءجىتى كوڭىل بولۋدە.
