سولتۇستىك كورەيا ءۇش بالليستيكالىق زىمىران ۇشىردى

استانا. قازاقپارات- «ۇلكەن جيىرمالىق» ءسامميتى الاڭىندا قىتاي مەن كورەيا كوشباسشىلارىنىڭ كەزدەسۋى ءوتتى. پاك كىن حە مەن شي جينپيڭ پحەنياننىڭ زىمىران باعدارلاماسىن تالقىلادى.

 بۇعان جاۋاپسىز قالماۋدى ويلاعان سولتۇستىك كورەيا بيلىگى شىعىس تەڭىز باعىتىنا قاراي 3 زىمىرانىن ۇشىردى. مىڭ شاقىرىم قاشىقتىقتى ەڭسەرگەن زىمىراندار جاپونيا ايماعىنا بارىپ ءتۇستى.

رەسمي سەۋل، توكيو مەن بەيجىڭ كورەيا حالىق دەموكراتيالىق رەسپۋبليكاسىنىڭ ءىس- ارەكەتىنە قاتىستى ءوز پىكىرىن بىلاي ءبىلدىردى.

 چو چجۋن حيەك، وڭتۇستىك كورەيا س ءى م وكىلى:

- سولتۇستىك كورەيانىڭ بۇگىن زىمىران ۇشىرۋى ب ۇ ۇ قاۋىپسىزدىك كەڭەسىنىڭ قارارىن ورەسكەل بۇزۋى دەپ تۇسىنۋگە بولادى. زىمىرانداردىڭ ۇشىرىلعانى ارانداتۋشىلىقتىڭ بەلگىسى جانە يادرولىق قارۋ مەن زىمىرانداردى دامىتۋعا ارنالعان سولتۇستىك كورەيانىڭ باعدارلاماسى كورشى ەلدەرگە، جالپى حالىقارالىق قاۋىمداستىققا، كورەيا تۇبەگىنە شىنايى قاۋىپ تۋدىرۋدا. سوندىقتان ۇكىمەت نارازىلىعىن بىلدىرۋدە.

 يوشيحيدە سۋگا، جاپونيانىڭ مينيسترلەر كابينەتىنىڭ باس حاتشىسى:

- سولتۇستىك كورەيانىڭ كەزەكتى ارەكەتتەرىن ءبىز تەرىس باعالايمىز. ۇكىمەت ا ق ش، وڭتۇستىك كورەيامەن بىرلەسىپ، ب ۇ ۇ قاۋىپسىزدىك كەڭەسىمەن ىنتىماقتاسۋ ماقساتىندا، سونداي- اق ك ح د ر توقتاتۋ ءۇشىن جانە كەز- كەلگەن جاعدايعا تولىق دايىن بولۋ ءۇشىن ءتيىستى قادامدار جاساۋدا.

حۋا چۋنين، قىتاي س ءى م رەسمي وكىلى:

 - بۇل ماسەلە بويىنشا قىتايدىڭ كوزقاراسى ايقىن جانە دايەكتى. قازىرگى كەزدە تۇبەكتەگى جاعدايە وتە كۇردەلى. مۇددەلى تاراپتار شيەلەنىستى كۇشەيتەتىن شارالاردى قابىلداۋدان اۋلاق بولادى جانە بەيبىتشىلك پەن تۇراقتىلىقتى ساقتاۋ ءۇشىن بىرلەسىپ، ءتيىستى شارالار قابىلدايدى دەپ ۇمىتتەنەمىز.

www.24.kz