قازاقستان دۇنيەجۇزىلىك كوشپەندىلەر ويىنىندا مەدال سانى بويىنشا ەكىنشى ورىنعا كوتەرىلدى

 بىشكەك. قازاقپارات - II دۇنيەجۇزىلىك كوشپەندىلەر ويىنىنىڭ ەكىنشى كۇنىندە قازاقستان 8 مەدال ەنشىلەپ، مەدال سانى بويىنشا جالپى ەسەپتە 2-ورىنعا كوتەرىلدى.

بۇل تۋرالى كوشپەندىلەر ويىنى سايتىندا حابارلاندى.

13 مەدال العان رەسەي قۇراماسى (10 التىن، 2 كۇمىس جانە 1 قولا) ۇزدىك ۇشتىكتىڭ باسىندا تۇر. ال قازاقستان 4 التىن، 2 كۇمىس، 2 قولا مەدالمەن ەكىنشى ورىندا تۇر. گرۋزيا قۇراماسى 2 التىن، 1 كۇمىسپەن ءۇشىنشى ورىندا.

سپورتتىق شارانى ۇيىمداستىرۋشى قىرعىز ەلى ءتورتىنشى ورىندا - 14 مەدال ( 1 التىن، 3 كۇمىس، 10 قولا).

ەسكە سالا كەتەيىك، II دۇنيەجۇزىلىك كوشپەندىلەر ويىنى 3-8 - قىركۇيەك ارالىعىندا ىستىقكولدە ءوتىپ جاتىر.