پۋتين ءوز ءىزباسارىنىڭ «جاس، ءبىراق كەمەل» ادام بولۋ كەرەكتىگىن مالىمدەدى
«قازىر ءبىز پارلامەنتتىك سايلاۋلار الدىندا تۇرمىز. وسى سايلاۋلاردى وتكىزىپ، ناتيجەسىنە قاراۋ كەرەك. ءتىپتى ودان كەيىن دە الدىمىزدا ەكى جىل ۋاقىت بار. سوندىقتان، بۇل تۋرالى اڭگىمەلەسۋگە ءالى ەرتە. بىلەسىز بە، زاماناۋي، مىڭ قۇبىلاتىن الەمدە بۇل تۋرالى اڭگىمەلەسۋ ءتىپتى زيان»، - دەپ پۋتيننىڭ ءسوزىن كەلتىردى بي- بي- سي ورىس قىزمەتى.
ەگەر پۋتين جاڭا سايلاۋ دوداسىنا تۇسپەۋدى ۇيعارسا، ونىڭ ورنىنا ءىزباسارى پرەزيدەنتتىككە ۇمىتكەر بولادى. پۋتيننىڭ ايتۋىنشا، ول «وتە جاس، ءبىراق وتە كەمەل» ادام بولۋى ءتيىس.
سونىمەن بىرگە، پرەزيدەنت ءوزىنىڭ بولۋى ىقتيمال ءىزباسارىنا رەسەي دامۋى جايلى ءوز كوزقاراسىن ۇقتىرۋعا تىرىساتىنىن ايتتى.
جانە پۋتين جاقىندا عانا قاتارىنان بىرنەشە ايماقتىڭ باسشىلىعىنا ارنايى قىزمەت وكىلدەرىنىڭ تاعايىندالۋىنا قاتىستى پىكىر ءبىلدىردى. ول ارنايى قىزمەت وكىلدەرىنىڭ ەلدەگى لاۋازىمدى قىزمەتكە تاعايىندالۋىنان ەش ابەستىك كورىپ تۇرعان جوق.
