فين پروفەسسورى وزبەكستان پرەزيدەنتىن قالاي قۇتقارماقشى بولعانىن ايتىپ بەردى
- دەپ جازادى YLE.
باسىلىمنىڭ مالىمەتىنشە، وتكەن سەنبى كۇنى وعان ونىڭ قازاقستانداعى بۇرىنعى شاكىرتى جەدەل شارۋامەن حابارلاسقان. «مەن باسقا ەلدەردە كوپ وتا جاسادىم. جانە بۇل ءوتىنىشتى ورىنداۋ ماعان ەش قيىندىق تۋعىزبادى. ماعان حەلسينكيگە جەكە ۇشاق كەلدى، سودان ءبىز وزبەكستانعا گەرمانيا ارقىلى ۇشىپ باردىق»، - دەدى فين دارىگەرى.
ايتا كەتەيىك، حەرنەسنيەميدەن باسقا رەسەي مەن گەرمانيادان دا دارىگەرلەر كەلگەن بولاتىن.
حەلسينكيداعى كلينيكانىڭ بۇرىنعى پروفەسسورى وزبەكستانعا كەلگەندە پرەزيدەنتتىڭ جاعدايى قانداي بولعانىن ايتىپ بەردى.
«بۇل كەزدە وتا جاساۋدىڭ قاجەتى دە بولمادى. مەن ەمدى ءارى قاراي جالعاستىرۋ كەرەك دەپ سانامادىم. ناۋقاس ءولى كۇيدە بولدى. ماماندار وزدەرىنىڭ مەديتسينالىق قورىتىندالارىن جاسادى»، - دەدى ول.
سونداي- اق، باسىلىمداعىلاردىڭ مالىمەتىنشە، دارىگەر بۇل جاعدايدا كوشباسشىنىڭ ءولىمى جايلى ءبىراز ۋاقىت جاريالامايتىنىن ايتقىسى كەلگەن. حەرنەسنيەميدىڭ ايتۋىنشا، وسىعان ۇقساس جاعداي يزرايلدىڭ بۇرىنعى پرەمەر- مينيسترىمەن دە بولعان. اريەل شارون پەن يسپانيالىق ديكتاتور فرانسيسكو فرانكو دا ۇزاق ۋاقىت كومادا جاتقان ەكەن.
ەسكە سالايىق، وزبەكستان پرەزيدەنتى يسلام كاريموۆ 78 جاسىندا قايتىس بولدى. يسلام كاريموۆتى جەرلەۋ ءراسىمى سامارقاندا 3 - قىركۇيەكتە ءوتتى. پرەزيدەنتتىڭ قازاسىنا بايلانىستى وزبەكستاندا ءۇش كۇنگە قارالى كۇن جاريالانادى. ەلباسى نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى يسلام كاريموۆتىڭ قايتىس بولۋىنا بايلانىستى وزبەكستان رەسپۋبليكاسى وليي ءماجىلىسى سەناتىنىڭ ءتوراعاسى نيگماتيللا يۋلداشيەۆكە كوڭىل ايتۋ جەدەلحاتىن جولداعان بولاتىن. كونستيتۋتسياعا سايكەس، پرەزيدەنتتىڭ مىندەتىن ۋاقىتشا ورىنداۋشى - وزبەكستان رەسپۋبليكاسىنىڭ وليي ءماجىلىسىنىڭ سەنات ءتوراعاسى نيگماتيللا يۋلداشيەۆ. سونداي- اق، كەيىننەن يسلام كارىموۆتىڭ نەدەن قايتىس بولعانى تۋرالى مەديتسينالىق قورىتىندى جاريالانعان بولاتىن.
Kaz.tengrinews.kz
