كوپ سەريالى «قازاق حاندىعى» فيلىمى قالاي ءتۇسىرىلىپ جاتىر - فوتو

استانا. قازاقپارات - كوشپەلى ءومىر، ۇلتتىق كيىمدەرمەن ءۇستىن كومكەرگەن ايەلدەر، ات ۇستىندەگى جىگىتتەر، ماڭعاز تۇيەلەر - مۇنىڭ ءبارى «قازاق حاندىعى» دەپ اتالاتىن جاڭا سەريالداعى سيۋجەتتىڭ ءبىر بولىگى. سەريالدا بيلىك، سوعىس، اقشا جانە ماحاببات تاقىرىپتارى كورىنىس تاپقان.

بۇل تۋرالى bigpicture.ru حابارلايدى.

امەريكالىق جۋرناليستەر بۇل جولعى كوپ كۇتتىرگەن سەريال وتە قىزىق بولادى دەپ باعالاپ وتىر. ولاردىڭ پايىمداۋىنشا قازاق حاندىعى تاريحىن كوركەم ۇلگىدە ەكرانيزاتسيالاعان بۇل تۋىندى، ءتىپتى ايگىلى دەگەن «تاقتار ويىنىنان» دا اسىپ ءتۇسۋى مۇمكىن ەكەن. ونشاقتى سەريال بارىسىندا 1465 -جىلى التىن وردانىڭ قۇلاپ، قازاق حاندىعى قۇرىلاتىن ءساتتى كورسەتەدى. ق ر مادەنيەت جانە سپورت مينيسترلىگى مادەنيەت جانە ونەر دەپارتامەنتىنىڭ حابارلاۋىنشا كورەرمەندەر نازارىنا سەريالدىڭ تولىققاندى نۇسقاسى وسى جىلدىڭ 16 - جەلتوقسانىندا ۇسىنىلادى ەكەن.

نەگىزگى ءتۇسىرىلىم الاڭىنا جەتكەنشە ءبىراز تەرلەۋگە تۋرا كەلەدى. الايدا ول جەردەگى كورىنىس وسى ارىپ- اشىپ بارعانىڭىزعا ابدەن تاتيدى. كوشپەلى اۋىل رەتىندە الماتى وبلىسى، ۇيعىر اۋدانىنداعى، شوشاناي اۋىلى تاڭداپ الىنعان. تاۋدان تومەن قاراي تابيعاتتىڭ عاجايىپ بەينەسىن كورۋگە مۇمكىندىك بار.

قىزىلدى- جاسىلدى گۇلمەن تابيعاتتىڭ ءوزى- اق كوركەمدەپ تاستاعان دارحان دالانىڭ سۇلۋلىعى ءوز الدىنا بولەك اڭگىمە. تاعى ءبىر تاماشا ورىن - قاپشاعاي سۋ قويماسى ماڭىنداعى ءتۇسىرىلىم الاڭى. بۇل جەرگە قازاقستاندىقتارمەن قاتار، دەمالۋ ءۇشىن شەتەلدىك تۋريستەر دە ءجيى ات شالدىرتادى ەكەن.

سەريالدىڭ باسىم بولىگى ءتۇسىرىلىپ قويعانىنا قاراماستان، جوبا ءالى دە بولسا قوماقتى قارجىنى قاجەت ەتەدى. سەريالدىڭ العىشقى بولىمدەرىنىڭ تۇساۋكەسەرى 2016 -جىلدىڭ ناۋرىز ايىنا جوسپارلانعان. الايدا اقشا جەتىسپەۋشىلىگىنە بايلانىستى رەسمي كورسەتىلىمى ۇنەمى اۋىسىپ كەلە جاتىر. تاعى ءبىر قيىندىق، مونتاج جۇمىستارى تولىق اياقتالعاننان كەيىن دە ونى باسقا تىلدەرگە اۋدارۋ قاجەت. ونىڭ ىشىندە ورىس ءتىلى دە بار.

ەگەر سەريالدى كۇتۋگە شىدام جەتپەسە، وندا قازاقتىڭ كەڭ جازيرا دالاسىن ءوز كوزىڭىزبەن دە كورىپ، شارلاپ شىعۋعا مۇمكىندىك بار. «اەروفلوت» كومپانياسى ادامداردى ءتۇسىرىلىم توبىنا الىپ باراتىن رەيس ۇيىمداستىرادى.

سەريالدىڭ ءبىر كەيىپكەرىنە كەم دەگەندە 5 كوستيۋم تىگىلەدى. وقيعالار XV عاسىردى قامتيدى. بۇل جىبەك جولىنىڭ ءوسىپ- وركەندەپ، حالىقتاردىڭ جىبەكتەن كيىم تىگىپ كيگەن كەزى.

سەريالدىڭ ۇيىمداستىرۋ ماماندارى بارلىعى شىنايى شىعۋ ءۇشىن، كيىمدەردى دە ەڭ قىمبات ماتەريالداردان تىگىپ، اسپەتتەپ جاتىر. ونىڭ ىشىندە - بىلعارى تەرى، كيىز ماتەريالدارى بار.

شىعىس مادەنيەتىنىڭ كيىمدەرى اركەز كوز تارتىپ، كوڭىلدى بۇرىپ تۇرادى. كەيىپكەرلەردىڭ ۇستىنە كيگىزىلگەن وسىنداي دالا مادەنيەتىنەن حابار بەرەتىن كيىمدەر مەيلىنشە اسىل تاستارمەن كومكەرىلىپ، قىمبات ورنەكتەرمەن بەدەرلەنگەن.

جوبانىڭ دەكوراتسياسى "قازاقفيلم" ستۋدياسىندا جاسالادى. ايبارلى ساحنالاردىڭ ءبىرى - شايبان شاحتىڭ سارايى. التىن وردا قۇلاعان سوڭ، شايبان شاح ءوز الدىنا بولەك وتاۋ تىككەن اق وردا حاندىعىنىڭ نەگىزىن قالاعان ەدى. شايبان شاح بيلىگى وتە قاتقىل بولىپ، ۇنەمى ۇستەمە سالىق جيناۋ حاندىقتىڭ ىرگەسىنىڭ سوگىلىپ، قوعامدىق تولقىنىس تۋدىرۋىنا اكەلىپ سوعادى. باراق حاننىڭ بالاسى سۇلتان جانىبەك پەن ونىڭ تۋىسى كەرەي سۇلتان شايبان شاحقا ريزا بولماعان كوشپەلى حالىقتاردىڭ باسىن بىرىكتىرىپ، بولەك كەتەدى. ناتيجەسىندە 1465 -جىلى قازاق حاندىعى قۇرىلعان.

ارنايى سەحتا سارايدىڭ «قۇرىلىسى» ءۇشىن قاجەتتى ماتەريالداردىڭ بارلىعى جاسالادى: تىرەۋلەر، تەرەزە تورلارى، قابىرعاداعى ورنەكتەر. كينوستۋديانىڭ ارقاسىندا وسىنداي ءىرى كولەمدەگى دۇنيەلەردى جاساۋعا تولىق مۇمكىندىك قاراستىرىلعان.

«قازاقفيلم» - كوركەم، دەرەكتى جانە انيماتسيالىق فيلمدەر وندىرەتىن قازاقستانداعى ەڭ ءىرى ستۋديا. ستۋديادا تۇسىرىلىمدەر مەن كاستينگتەر بولىپ، دەكوراتسيالار قۇراستىرىلادى.

سەريالدا سونداي- اق، تاريحي وقيعالاردان بولەك دۇنيەتانىم مەن مادەنيەتتىڭ قالىپتاسۋى سىندى ۇعىمدارعا دا كۋا بولۋعا بولادى.

Stan.kz