موڭعوليانىڭ بۇرىنعى پرەزيدەنتى قىزىلوردا وبلىسىنداعى اتوم وڭدەۋ سالاسىمەن تانىستى

قىزىلوردا. قازاقپارات - تامىز ايىنىڭ سوڭعى كۇنى قىزىلوردا وبلىسىنا وڭىردەگى اتومدى وڭدەۋ ونەركاسىبىنىڭ جۇمىس بارىسىمەن تانىسۋعا موڭعوليا مەملەكەتىنىڭ ءبىرىنشى پرەزيدەنتى پۋنسالمااگين وچيربات ءىس-ساپارمەن كەلدى.

بۇل تۋرالى بۇگىن وبلىستىق اكىمدىكتىڭ باسپا ءسوز قىزمەتى حابارلادى.

پۋنسالمااگين وچيربات مىرزا 1990-جىلدىڭ 3- قىركۇيەگىندە موڭعوليا ەلىنىڭ ءبىرىنشى پرەزيدەنتى بولىپ سايلاندى. 1993-جىلى ەكىنشى مارتە قايتا سايلانعان. وسى قىزمەتتى 1997-جىلدىڭ 20- ماۋسىمىنا دەيىن اتقاردى.

مارتەبەلى مەيمان ساپار بارىسىندا وبلىس اكىمى ق. كوشەربايەۆتىڭ قابىلداۋىندا بولدى. مۇنان كەيىن قوناق وبلىسىمىزداعى اتوم وندىرىسىمەن اينالىساتىن «بايكەن-U« ج ش س جانە حاراسان-1, حاراسان-2 كەنىش ورىندارىنىڭ جۇمىسىمەن تانىستى.

كەلەسى كەزەكتە، كۇكىرت قىشقىل زاۋىتىندا بولىپ، وندىرىستىك جۇمىس بارىسىن كوردى. ساپار كەزىندە مارتەبەلى قوناق پۋنسالمااگين وچيربات قازاقستانداعى اتوم ءوندىرىسىنىڭ دامۋ بارىسىنا تاڭعالىسىن جاسىرمادى. الداعى ۋاقىتتا موڭعوليا ەلىندە ۋران ءوندىرىسىن جولعا قويۋعا قازاقستانمەن ارىپتەستىك قاتىناس ورناتۋعا مۇددەلى ەكەندىكتەرىن ايتتى.

ساپار سوڭىندا پۋنسالمااگيين وچيربات مىرزا وبلىس اكىمىنىڭ جىلى قابىلداپ، ءوندىرىس ورىندارىمەن تانىسۋعا تولىققاندى جاعداي جاساعانىنا ريزاشىلىعىن ءبىلدىردى.

ءىس-ساپار اياقتالعان سوڭ مارتەبەلى قوناق شىمكەنت قالاسىنا اتتانىپ كەتتى.

اۆتور: ەلۋباي اۋەزوۆ