دەنساۋلىق: ءجۇزىمنىڭ ەمدىك قاسيەتتەرى
ەرتە كەزدە ءجۇزىم سۇلۋلىق پەن دەنساۋلىقتى جاقسارتۋ ءۇشىن گرەكيا مەن ەجەلگى ريمدە قولدانىلعان. دارىگەرلەر ءجۇزىم شىرىنىن زات الماسۋدى رەتتەپ، وكپە، بۇيرەك جانە باۋىر اۋرۋلارىن ەمدەۋ ءۇشىن بەلگىلەيتىن بولعان، دەپ جازادى anabol.kz.
ءجۇزىم شىرىنى ەڭ باعالى ونىمدەردىڭ ءبىرى بولىپ سانالادى. ونىڭ قۇرامى دارۋمەندەر مەن باسقا دا بيولوگيالىق بەلسەندى قوسپالارعا باي.
ءجۇزىم شىرىنى اعزامىزبەن دەنساۋلىعىمىزعا قالاي اسەر ەتەدى؟
ءجۇزىم شىرىنىندا كوپتەپ كەزدەسەتىن پەكتين «جامان» حولەستەرين دەڭگەيىن تومەندەتىپ، اعزاداعى ەركىن راديكالداردى جويادى. ارينە، شىرىننىڭ پايدالىلىعى ءجۇزىمنىڭ تۇرىنە قاراي انىقتالادى، مىسالى: قارا ءجۇزىم شىرىنى ايەلدەرگە وتە پايدالى ويتكەنى، ول ءسۇت بەزى قاتەرلى ىسىگىنىڭ پايدا بولۋىنا جول بەرمەيدى.
جۇزىمدە انتوتسيان پيگمەنتتەرى بار، ولار قاتەرلى ىسىك جاسۋشالارىنىڭ دامۋىنا توسقاۋىل بولادى، ەگەر ولار بولسا تارالۋىن ايتارلىقتاي باياۋلاتادى. وسىلايشى بۇكىل اعزانىڭ قورعانىس قاسيەتتەرىن جاقسارتادى.
ءجۇزىم شىرىنىن تۇراقتى تۇردە پايدالانۋ باۋىردىڭ جۇمىسىن ايتارلىقتاي تازالاپ، گەموپوەز پروتسەسىن جاقسارتادى. ىشەك جۇمىسى رەتتەلىپ، بۋىن اۋرۋلارىن توقتاتادى. جۇرەك بۇلشىق ەتتەرىن قالپىنا كەلتىرەدى.
