02:02, 05 - قىركۇيەك 2016 | GMT +5
تۇركىستاندىقتار جازيرا جاپپارقۇلعا «تۇلپار» مىنگىزدى - فوتو
استانا. قازاقپارات - تۇركىستان قالاسىنداعى ورتالىق ەسىمحان الاڭىندا شاھار تۇرعىندارى ريو وليمپياداسىنىڭ كۇمىس جۇلدەگەرى جازيرا جاپپارقۇل مەن 19 جاستاعى تۇركىستاندىق بالۋان ديدار حامزانى زور قوشەمەتپەن قارسى الدى، - دەپ حابارلايدى Bnews.kz.
بايراقتى باسەكەدە ەل نامىسى ءۇشىن سىنعا تۇسكەن قوس ساڭلاقتى الدىمەن قالا اكىمى ءا. وسەربايەۆ قۇتتىقتاپ، قارجىلاي سىي-سياپات جاسادى. سونىمەن بىرگە، وبلىستىق ءماسليحات دەپۋتاتى تاڭىربەرگەنوۆ ءسوز الىپ، كۇمىس قىزعا جەڭىل اۆتوكولىكتىڭ كىلتىن سالتاناتتى تۇردە تابىس ەتتى.
ەرەكشە ىقىلاس بىلدىرگەن قالا جۇرتشىلىعىنا العىسىن جەتكىزگەن جازيرا جاپپارقۇل تۇركىستان قالاسىنىڭ جاستارىن «ءا. نۇرماحانوۆ اتىنداعى وبلىستىق وليمپيادا رەزەرۆىن دايارلايتىن سپورت مەكتەبىنەن» اشىلعان اۋىر اتلەتيكا ۇيىرمەسىنە قاتىسۋعا شاقىردى.
