وزبەكستاندا قارالى شارالار وتۋدە
وزبەكستان ولي ماجلىس سەناتىندا كوڭىل ءبىلدىرۋ كىتابى اشىلدى.
جۇرتشىلىق وكىلدەرى، كاسىپورىندار، ۇيىمدار، مەكەمەلەر تاڭەرتەڭنەن باستاپ الاڭعا شىعىپ، يسلام كاريموۆتىڭ پورترەتىنە گۇل شوقتارىن قويۋدا.
نوكىس جاستار ورتالىعىندا وتكەن راسىمگە جوعارعى كەڭەس جانە قاراقالپاقستان مينيسترلەر كەڭەسى، سولتۇستىك-باتىس اسكەري وكرۋگى، نوكىس حوكيمياتى، قاراقالپاقتىڭ «كامولوت» قوزعالىسى كەڭەسىنىڭ وكىلدەرى، جۇرتشىلىق، جاستار قاتىستى.
ءاندىجان وبلىسىنىڭ حوكيمياتىندا يسلام كاريموۆتىڭ ءومىرى مەن قىزمەتىنە ارنالعان ەسكە الۋ كابينەتى اشىلدى. وندا مەملەكەت باسشىسىنىڭ جەتەكشىلىگىمەن قول جەتكىزىلگەن ەلدەگى، شەتەلدەگى تابىستاردى كورسەتەتىن فوتولار، ونىڭ كىتاپتارى ورنالاستىرىلدى. ۇلكەن ەكراندا يسلام كاريموۆتىڭ ءاندىجان وبلىسىنا كەلگەن ساپارلارى جايلى ۆيدەوسيۋجەتتەر كورسەتىلۋدە.
